நாடு திரும்பிய மெத்தியூஸ்: 5 விக்கெட்டுக்களால் இலங்கை வெற்றி வாகை..!


நாடு திரும்பிய மெத்தியூஸ்: தலைமைப் பொறுப்பில் தொடரும் சந்திமால்

தற்போது இடம்பெற்று வரும் முத்தரப்பு ஒருநாள் கிரிக்கெட் தொடரில் இலங்கை அணிக்கு தானே தலைமை வகிக்கவுள்ளதாக, தினேஸ் சந்திமால் தெரிவித்துள்ளார்.

முன்னதாக இலங்கை அணித் தலைவராக இருந்த அஞ்சலோ மெத்தியூஸூக்கு ஏற்பட்ட காயம் காரணமாக, அவருக்கு பதிலாக சந்திமால் தலைவராக செயற்பட்டார்.

இந்தநிலையில், மெத்தியூஸ் இன்று காலை நாடு திரும்பியுள்ளதாகவும், முத்தரப்பு ஒருநாள் கிரிக்கெட் தொடரில் இலங்கை அணிக்கு தானே தலைமை வகிக்கவுள்ளதாக, தினேஸ் சந்திமால் தெரிவித்துள்ளார்.

5 விக்கெட்டுக்களால் இலங்கை வெற்றி வாகை

முத்தரப்பு ஒருநாள் கிரிக்கெட் தொடரில் இன்று இலங்கை மற்றும் சிம்பாபே ஆகிய அணிகள் மோதின.

இதற்கமைய, நாணயசுழற்சியில் வென்ற சிம்பாபே முதலில் துடுப்பெடுத்தாடத் தீர்மானித்தது.

இதன்படி, களமிறங்கிய அந்த அணி, 44 ஓவர்களிலேயே 198 ஓட்டங்களைப் பெற்ற நிலையில் அனைத்து விக்கெட்டுக்களையும் இழந்தது.

பின்னர், 199 ஓட்டங்கள் பெற்றால் வெற்றி என்ற இலகுவான இலக்கு நோக்கி களமிறங்கிய இலங்கை அணி, 44.5 ஓவர்களில், ஐந்து விக்கெட்டுக்களை இழந்த நிலையில் 202 ஓட்டங்களை குவித்துள்ளது.

எனவே, ஐந்து விக்கெட்டுக்களால் இலங்கை அணி இன்றைய போட்டியை வசப்படுத்தியுள்ளது.

Comments (0)
Add Comment