வட கரோலினாவில் 10 டன் தங்கத்துடன் சென்ற கப்பல் மூழ்கி 425 பேர் பலி : செப். 12, 1857..!!

மத்திய அமெரிக்காவிற்கும் அமெரிக்காவின் கிழக்கு கடலோர பகுதிகளுக்குமிடையில், நீராவியால் இயங்கக்கூடிய எஸ்.எஸ். சென்ட்ரல் அமெரிக்கா என்ற பயணிகள் கப்பல் 1950களில் இயக்கப்பட்டு வந்தது.

1857-ம் ஆண்டு செப்டம்பர் 3ஆம் தேதி 477 பயணிகள், 101 ஊழியர்களுடன் இந்தக் கப்பல் கலோனில் உள்ள பானமேனியன் துறைமுகத்தில் இருந்து, நியூயார்க் நகருக்கு புறப்பட்டுச் சென்றது. இந்தக் கப்பலில் 10 டன் தங்கமும் கொண்டு செல்லப்பட்டது.

செப்டம்பர் 9-ம் தேதி வடகரோலினா கடற்பகுதியில் சென்போது கடும் சூறாவளியில் இந்தக் கப்பல் சிக்கி திசைமாறியது. 11-ம் தேதி 165 கிலோ மீட்டர் வேகத்தில் வீசிய காற்றினால் கப்பலுக்குள் தண்ணீர் புகுந்து, நீராவி கலன் செயலிழந்தது. 12-ம்தேதி கப்பல் மூழ்க ஆரம்பித்தது.

இதுபற்றி தகவல் அறிந்த இரண்டு மீட்பு கப்பல்கள் அங்கு விரைந்தன. பெண்கள், குழந்தைகள் என மொத்தம் 153 பேர் படகுகள் மூலம் மீட்கப்பட்டனர். கப்பலில் இருந்த 425 பேர் மூழ்கி இறந்தனர்.

Comments (0)
Add Comment