;
Athirady Tamil News

இந்தியாவின் வழியில் கால் பதிக்கும் சீனா!! (கட்டுரை)

0

விடு­தலைப் புலிகள் தமது தாக்­குதல் வடி­வத்தை அடுத்த கட்­டத்­துக்கு மாற்­றி­ய­போது, கெரில்லா தாக்­கு­தல்­களில் இருந்து கரும்­புலித் தாக்­கு­தல்­க­ளுக்கு (தற்­கொலைத் தாக்குதல்) மாறி­ய­போது, இந்தியா­வுக்கு அச்சம் வந்­தது.

இலங்­கையில் சீனா­வுக்­கென்று தனி­யான நலன்கள் உள்­ளன. அம்­பாந்­தோட்டை துறை­முகம், கொழும்பு துறை­முக நகரம் என்­பன அதன் முக்­கி­ய­மான கேந்­திர நிலையங்­க­ளாக இருக்­கின்­றன.

குண்­டு­வெ­டிப்­புகள் நிகழ்ந்­ததும் அமெ­ரிக்கா, பிரித்­தா­னியா போன்ற நாடுகள் தான் முதலில் உதவ முன்­வந்­தன. அப்­போது, சீனா பதுங்கிக் கொண்­டது. இலங்­கையில் அமெ­ரிக்க, பிரித்­தா­னிய புல­னாய்­வா­ளர்கள் குவியத் தொடங்­கிய பின்­னரே, சீனா விழித்துக்கொண்­டது.

விடு­தலைப் புலிகள் தமது கட்டுப்­பாட்­டுக்கு அப்பால் சென்று விடு­வார்­களோ என்ற நிலையில் தான், அவர்­க­ளையும் அடக்கி, இலங்கை அர­சாங்­கத்­தையும் வழிக்குக் கொண்டு வந்து, தனது பாது­காப்பு நலன்­க­ளையும் உறு­திப்­ப­டுத்திக் கொள்ள முயன்­றது இந்­தியா

1987ஆம் ஆண்டு இலங்­கை­யுடன் இந்­தியா அமைதி உடன்­பாட்டைச் செய்து சூழ­லுடன் கிட்­டத்­தட்ட ஒத்துப் போகக் கூடி­ய­தொரு வகையில் தான், இலங்­கை­யுடன் சீனா அண்­மையில் பாது­காப்பு உடன்­பா­டு­களைச் செய்து கொண்­டி­ருக்­கி­றது.

1987ஆம் ஆண்டு ஜூலை 05ஆம் திகதி, இரவு நெல்­லி­யடி இரா­ணுவ முகாமின் தடை­களை உடைத்துக் கொண்டு நுழைந்த கரும்­புலி ெகப்டன் மில்­லரின் குண்டு லொறி, முகா­முக்கு மத்­தியில் வெடித்துச் சித­றி­யது.

பெரு­ம­ளவு இரா­ணு­வத்­தினர் கொல்­லப்­பட்ட அந்த தாக்­கு­த­லுடன், 1987 மே 26ஆம் திகதி தொடங்­கப்­பட்ட ‘ஒப்­ப­ரேசன் லிப­ரேசன்’ நட­வ­டிக்­கையின் மூலம், இலங்கை அர­சாங்கம் பெற்­றுக்­கொண்ட இரா­ணுவ வெற்றி அடி­யோடு பெயர்ந்து போனது.

அந்த தாக்­குதல், இரா­ணுவத் தீர்வு முயற்­சிக்குச் சவா­லாக மாறி­யது.

அந்தச் சந்­தர்ப்­பத்தைப் பயன்­ப­டுத்திக் கொண்டு இந்­தியா காய்­களை நகர்த்­தி­யது. இந்­தி­யாவின் காய்­ந­கர்த்­தல்­களைப் புரிந்து கொண்டு, அப்­போ­தைய ஜனா­தி­பதி ஜேஆர். ஜெய­வர்த்­த­னவும் தனது நரித்­தந்­தி­ரத்தைப் பயன்­ப­டுத்தி காய்­ந­கர்த்­தல்­களில் ஈடு­பட்டார்.

கொழும்­புக்கும், புது­டெல்­லிக்கும் இடையில் பறந்து திரிந்த இரா­ஜ­தந்­தி­ரிகள், கடை­சி­யாக ஒரு உடன்­பாட்­டுக்கு வடிவம் கொடுத்­தனர்.

அதன் அடிப்­ப­டையில், கொழும்பில் பதற்றம் மிகுந்­தி­ருந்த ஒரு சூழலில், 1989 ஜூலை 29ஆம் திகதி இந்­தியப் பிர­தமர் ராஜீவ்­காந்தி, வந்­தி­றங்­கினார். ஜே.ஆருடன் நடத்­திய பேச்­சுக்­களை அடுத்து, இரு­வரும் ஒரு உடன்­பாட்டில் கையெ­ழுத்­திட்­டனர்.

இலங்­கையில் அமை­தியை ஏற்­ப­டுத்­து­வ­தற்­காக என்ற பெயரில், கையெ­ழுத்­தி­டப்­பட்ட அந்த உடன்­பாட்­டுக்கு அமைய அடுத்த சில மணி நேரங்­க­ளி­லேயே அமை­திப்­படை என்ற போர்­வையில், இந்­தி­யப்­ப­டை­யினர் பலா­லி­யிலும், திரு­கோ­ண­ம­லை­யிலும் வந்­தி­றங்கத் தொடங்­கினர்.

நெல்­லி­யடி குண்டுத் தாக்­கு­த­லை­ய­டுத்து, இரா­ணுவம் சுதா­க­ரித்துக் கொண்டு யாழ்ப்­பா­ணத்தின் மீது இன்­னொரு தாக்­கு­த­லுக்குத் தயா­ராகிக் கொண்­டி­ருந்த நிலையில், இந்­தியா தலை­யிட்டு காரி­யத்தைக் கெடுத்து விட்­டது என்றே- புலி­களைப் போரில் வென்ற பின்னர், எழு­திய வர­லாற்று நூல்­களில் மேஜர் ஜெனரல் கமல் குண­ரத்ன போன்ற படை அதி­கா­ரிகள் குறிப்­பி­டு­கின்­றனர்.

இல்­லையேல், அப்­போதே யாழ்ப்­பா­ணத்தைப் பிடித்து புலி­களை அழித்­தி­ருப்போம் என்று அவர்கள் இப்­போது கூறு­கின்­றனர்.

புலி­களை அழிக்­கவும் முடி­யாமல் ஜே.வி.பி கிளர்ச்­சி­யையும் எதிர்­கொள்ள முடி­யாத நிலையில் தான், இந்­தி­யா­விடம் ஜே.ஆர் தந்­தி­ர­மாக புலி­களை அழிக்கும் பணியை ஒப்­ப­டைத்து விட்டு ஒதுங்கிக் கொண்டார் என்ற வர­லாற்றுக் குறிப்­பு­களும் உள்­ளன.

இலங்­கையில் ஏற்­பட்டு வந்த பதற்­ற­நி­லையும் , போரும் இந்­தி­யாவின் பாது­காப்­புக்கும் அச்­சு­றுத்­தலை ஏற்­ப­டுத்தும் என்ற கருத்­தி­யலின் அடிப்­ப­டை­யி­லேயே, அந்த உடன்­பாட்டைச் செய்து கொள்­வ­தற்கு இந்­தியா முற்­பட்­டது.

அந்த உடன்­பாட்டின் மூலம், இலங்­கையில் அமை­தியை ஏற்­ப­டுத்த முடி­ய­ வில்லை. ஜனா­தி­பதி பிரே­ம­தா­சவின் தலை­மை­யி­லான இலங்கை அரசே, இந்­தி­யப்­ப­டை­யி­னரை வெளி­யேறக் கோரி­யது. புலி­களை அழிக்­கா­ம­லேயே அது வெளி­யே­றி­யது.

விடு­தலைப் புலிகள் தமது தாக்­குதல் வடி­வத்தை அடுத்த கட்­டத்­துக்கு மாற்­றி­ய­போது, கெரில்லாத் தாக்­கு­தல்­களில் இருந்து கரும்­புலித் தாக்­கு­தல்­க­ளுக்கு (தற்­கொலைத் தாக்­குதல்) மாறி­ய­போது, இந்­தி­யா­வுக்கு அச்சம் வந்­தது.

விடு­தலைப் புலிகள் தமது கட்­டுப்­பாட்­டுக்கு அப்பால் சென்று விடு­வார்­களோ

என்ற நிலையில் தான், அவர்­க­ளையும் அடக்கி இலங்கை அர­சாங்­கத்­தையும் வழிக்குக் கொண்டு வந்து, தனது பாது­காப்பு நலன்­க­ளையும் உறு­திப்­ப­டுத்திக் கொள்ள முயன்­றது இந்­தியா.

அந்த உடன்­பாட்டைச் செய்து கொண்­டதன் மூலம், இலங்­கையில் தனது ஒரு இலட்சம் படை­யி­னரை இந்­தியா நிறுத்­தி­யது. புலி­களைக் கையா­ளு­கின்ற முழுப்­பொ­றுப்­பையும் தானே எடுத்துக் கொண்­டது. அவர்கள் அமைதி முயற்­சிக்கு இணங்க மறுத்­த­போது, போரை நடத்தி அழிக்­கவும் நட­வ­டிக்கை எடுத்­தது.

இப்­போது அதே போன்­ற­தொரு சூழல் தான் ஏற்­பட்­டி­ருக்­கி­றது.

21/4 குண்டுத் தாக்­கு­தல்­களை அடுத்து, இலங்­கையில் இதற்கு முன் நேர்ந்­தி­ராத பதற்­றமும் பீதியும் தொற்றிக் கொண்­டது. மிகப்­பெ­ரிய தற்­கொலைப் படை­ய­ணியைக் கொண்­டி­ருந்த புலிகள் கூட, ஒரே நேரத்தில் பல இடங்­களில் தாக்­கு­தல்­களை நடத்­தி­ய­தில்லை.

ஒரே நாளில் எட்டு வெவ்­வேறு இடங்­களில் ஒன்­பது தற்­கொலைக் குண்­டு­தா­ரிகள் வெடித்­துச்­சி­தறி ஏற்­ப­டுத்­திய நாசம் மிக­மோ­ச­மா­னது ,. கோர­மா­னது.

அதை­ய­டுத்து ஏற்­பட்ட பதற்­ற­மான சூழலில் தான், பல்­வேறு நாடு­களும் இலங்­கைக்கு பாது­காப்பு உத­வி­களை வழங்க முன்­வந்­தன. அவ்­வாறு உதவ முன்­வந்­துள்ள நாடு­களில் சீனா முக்­கி­ய­மா­னது.

இலங்­கையில் சீனா­வுக்­கென்று தனி­யான நலன்கள் உள்­ளன. அம்­பாந்­தோட்டை துறை­முகம், கொழும்பு துறை­முக நகரம் என்­பன அதன் முக்­கி­ய­மான கேந்­திர நிலை­க­ளாக இருக்­கின்­றன.

குண்­டு­வெ­டிப்­புகள் நிகழ்ந்­ததும் அமெ­ரிக்கா, பிரித்­தா­னியா போன்ற நாடுகள் தான் முதலில் உதவ முன்­வந்­தன. அப்­போது, சீனா பதுங்கிக் கொண்­டது.

இலங்­கையில் அமெ­ரிக்க, பிரித்­தா­னிய புல­னாய்­வா­ளர்கள் குவியத் தொடங்­கிய பின்­னரே, சீனா விழித்துக் கொண்­டது.

ஜனா­தி­பதி மைத்­தி­ரி­பால சிறி­சே­னவை அவ­ச­ர­மாக சந்­தித்தார் சீனத் தூதுவர் செங் ஷியுவான். அமெ­ரிக்க, இந்­திய, பிரித்­தா­னிய புல­னாய்வுப் பிரி­வி­னரின் பிர­சன்­னங்­களால் சீனாவின் திட்­டங்கள் நலன்­க­ளுக்கு ஆபத்து இருப்­ப­தாக, ஜனா­தி­ப­தி­யிடம் அவர் கவ­லையை வெளி­யிட்டார்.

அதற்கு இரண்டு நாட்கள் கழித்து மீண்டும் ஜனா­தி­பதி மைத்­தி­ரி­பால சிறி­சே­னவைச் சந்­தித்த சீனத் தூதுவர் ஒரு கடி­தத்தைக் கொடுத்தார். அது சீன ஜனா­தி­பதி ஷி ஜின்பிங் எழு­தி­யி­ருந்த கடிதம்.

ஆசிய நாக­ரீ­கங்­களின் கலந்­து­ரை­யாடல் என்ற மாநாடு, பீஜிங்கில் மே15 ஆம் திகதி ஆரம்­ப­மா­வ­தாக இருந்­தது. ஏனைய உலகத் தலை­வர்­களைப் போலவே ஜனா­தி­பதி மைத்­தி­ரி­பால சிறி­சே­னவும் இந்த மாநாட்­டுக்கு அழைக்­கப்­பட்­டி­ருந்தார்.

பெப்­ர­வரி மாதம் வழங்­கப்­பட்ட இந்த அழைப்பை ஏற்றுக் கொண்­டி­ருந்த ஜனா­தி­பதி, அதற்­கான திக­தியை உறு­திப்­ப­டுத்­தி­யி­ருக்­க­வில்லை.

இந்த நிலையில் தான், சீன ஜனா­தி­பதி ஷி ஜின்பிங் கொடுத்­த­னுப்­பிய கடி­தத்தில் அவ­சியம் அந்த மாநாட்­டுக்கு வரு­மாறு கேட்­டி­ருந்தார்.

அந்த அழைப்பை ஏற்­றுக்­கொண்டு சென்ற ஜனா­தி­பதி மைத்­தி­ரி­பால சிறி­சே­னவை, கடந்த 14ஆம் திகதி சீன ஜனா­தி­பதி ஷி ஜின்பிங் சந்­தித்தார். 2600 மில்­லியன் ரூபா உத­வியை வழங்­கு­வ­தா­கவும் அறி­வித்தார் அவர்.

பொலி­ஸாரின் தேவைக்­காக, 50 வாக­னங்­களை சீனா­விடம் கேட்கச் சென்ற ஜனா­தி­பதி, 100 வாக­னங்­களைக் கேட்டார். அதற்கும் உடன்­பட்டார் சீன ஜனா­தி­பதி.

அந்தச் சந்­திப்பின் பின்னர், ஒரு பாது­காப்பு உடன்­பாடு கையெ­ழுத்­தி­டப்­பட்­டது. பாது­காப்புத் துறையில் ஒத்­து­ழைப்பை வலுப்­ப­டுத்திக் கொள்­வதும், புல­னாய்வு தக­வல்­களை சீனாவும் இலங்­கையும் பரி­மாறிக் கொள்­வதும், அந்த உடன்­பாட்டின் முக்­கி­ய­மான அம்சம்.

அத்­துடன், இலங்­கையில், இணைய வழி­யி­லான தகவல் பரி­மாற்­றங்­களை தடுப்­ப­தற்­கான உத­வி­க­ளையும் சீனா வழங்­க­வுள்­ளது. இதற்­கென நவீன கரு­விகள் மற்றும் நிபு­ணர்­க­ளையும் அனுப்பி வைக்­க­வுள்­ளது சீனா.

சீன புல­னாய்­வா­ளர்­களே இங்கு வர­வுள்­ளனர் என்றும், அவர்கள் இலங்­கைக்கு உத­வி­களை வழங்­க­வுள்­ளனர் என்றும் தக­வல்கள் வெளி­யா­கி­யி­ருக்­கின்­றன.

குறிப்­பாக கொழும்பு நகர், துறை­முக நகர், அம்­பாந்­தோட்டை துறை­முகம் ஆகி­ய­வற்றை உள்­ள­டக்­கிய ஒரு நவீன கண்­கா­ணிப்பு வல­யத்தை உரு­வாக்­கு­வ­தற்கு சீனா திட்­ட­மிட்­டுள்­ளது,. அதற்கு இலங்கை அர­சாங்­கமும் ஒப்புக் கொண்­டி­ருக்­கி­றது.

2600 மில்­லியன் ரூபா உதவி, தொழில்­நுட்ப உதவி, நெருங்­கிய இரா­ணுவ ஒத்­து­ழைப்பு, கண்­கா­ணிப்பு வசதி, 100 ஜீப் வண்­டிகள் போன்ற சலு­கை­களை வைத்துக் கொண்டு, இலங்­கையில் காலடி வைப்­ப­தற்­கான ஒரு சூழலை உரு­வாக்­கி­யி­ருக்­கி­றது சீனா.

ஆனால், சீன புல­னாய்­வா­ளர்கள் நிலை­கொள்­ள­வி­ருப்­பது பற்­றிய தக­வல்­களை மறுத்­தி­ருக்­கின்ற சீன தூத­ரக பேச்­சாளர் இலங்­கை­யுடன் செய்து கொள்­ளப்­பட்ட பாது­காப்பு உடன்­பாடு இர­க­சி­ய­மான ஒன்று அல்ல எனவும், பாது­காப்புக் கரு­விகள் விநி­யோகம் மற்றும் இரா­ணு­வத்­தி­ன­ருக்­கான பயிற்­சிகள் போன்ற அடிப்­படை கார­ணி­களை மாத்­தி­ரமே அது உள்­ள­டக்­கி­யி­ருப்­ப­தா­கவும், கூறி­யி­ருக்­கிறார்.

எவ்­வா­றா­யினும், இலங்­கையில் அமெ­ரிக்க, இந்­திய தலை­யீ­டுகள் குறித்து பொருமிக் கொண்­டி­ருந்த சீனா­வுக்கு 1987இல் நெல்­லி­ய­டியில் கப்டன் மில்லர் வெடிக்க வைத்த குண்டு லொறி இந்­தி­யா­வுக்கு எப்படி ஒரு வாய்ப்பான சூழலை ஏற்படுத்தியதோ அதேபோன்ற சூழலை 21/4 குண்டுத் தாக்குதல்கள் ஏற்படுத்திக் கொடுத்திருக்கிறது.

சீனா அதனைப் பயன்படுத்திக் கொண்டு, இலங்கையில் தனது புலனாய்வாளர்களை நிறுத்த முற்பட்டுள்ளது. அதுமாத்திரமன்றி, சீனா தனது திட்டங்களைப் பாதுகாப்பதற்கு சொந்த பாதுகாப்பு கட்டமைப்பு ஒன்றை உருவாக்கவும் விருப்பம் வெளியிட்டுள்ளதாகவும் கூறப்படுகிறது,

இது கிட்டத்தட்ட, ஏடன் வளைகுடாவில் பயணிக்கும் சீன கப்பல்களின் பாதுகாப்புக்காக நிறுத்தப்பட்டுள்ள சீன கடற்படைக் கப்பல்களின் வசதிக்காக என்று கூறிக்கொண்டு, டிஜிபோட்டியில் தனது கடற்படைத் தளத்தை அமைத்துக் கொண்டதற்கு ஈடானது.

இலங்கையில் சீனா தனது திட்டங்களின் பாதுகாப்புக்கென்று தனது ஆளணியை நிறுத்த முயன்றால் அது நிச்சயமாக 1987இல் இந்தியப் படைகளின் இலங்கை வருகையுடன் ஒப்பீடு செய்யக் கூடியதொரு விடயமாகத் தான் இருக்கும்.

You might also like

Leave A Reply

Your email address will not be published.

twelve − four =

*