;
Athirady Tamil News

ஜேபிவிக்கு எதிரான நடவடிக்கையிலும் பிரிட்டனின் கூலிப்படையினர் ஈடுபட்டனர்- பழைய ஆவணங்கள் வெளிப்படுத்தியுள்ள புதிய அதிர்ச்சி தகவல்கள்!! (கட்டுரை)

0

1980களின் இறுதியில் இலங்கை இராணுவம் சிங்கள பெரும்பான்மையினத்தை சேர்ந்த இடதுசாரி செயற்பாட்டாளர்களிற்கு எதிரான இரத்தக்களறி மிகுந்த நடவடிக்கைகளில் ஈடுபட்டவேளை பிரிட்டனை சேர்ந்த கினிமினி கூலிப்படையினர் இலங்கை இராணுவத்தின் தலைமையகத்தில் இருந்து செயற்பட்டனர் என்ற தகவல் வெளியாகியுள்ளது.
இலங்கையில் கினிமினியின் நடவடிக்கைகள் குறித்து தொடர்ச்சியாக ஆராய்ந்துவரும் பில் மில்லர் இதனை தெரிவித்துள்ளார்.

அவர் மேலும் தெரிவித்துள்ளதாவது
பிரிட்டனின் கூலிப்படையினர் முன்னர் தெரியவந்ததை விட மேலும் சில வருடங்கள் இலங்கையில் செயற்பட்டுள்ளனர்.
198-89களில் நாட்டின் இடதுசாரி செயற்பாட்டாளர்களிற்கு எதிராக முன்னெடுக்கப்பட்ட ஈவிரக்கமற்ற ஒடுக்குமுறையின் போது இலங்கை இராணுவத்தின் தலைமையகத்தில் கினிமினியின் புலானய்வு பிரிவு அதிகாரியொருவர்பணியாற்றியுள்ளார்.
இலங்கையின் பெரும்பான்மை சமூகத்தை சேர்ந்த சர்ச்சைக்குரிய இடதுசாரி அமைப்பான ஜேவிபிக்கு எதிரான நடவடிக்கையின் போது பெருமளவு மாணவர்கள் உட்பட 60000க்கும் அதிகமான பொதுமக்கள் கொல்லப்பட்டனர்.

ஜேவிபிக்கு எதிரான நடவடிக்கை 1988 இல் ஆரம்பித்தவேளை கினிமினி இலங்கையிலிருந்து கிட்டத்தட்ட தனது உறுப்பினர்களை பெருமளவிற்கு வெளியேற்றிவிட்டது, எனினும் கினிமினியை சேர்ந்த ஒருவராவது 1989வரை இலங்கையின் பாதுகாப்பு படைப்பிரிவுடன் இணைந்து முக்கிய பங்களிப்பை வழங்கியுள்ளார்.
1984 முதல் 87 வரை இலங்கையின் சிறுபான்மை தமிழர்களிற்கு சுதந்திரம் கிடைப்பதை தடுப்பதற்காக கினிமினியினர் இலங்கை படையினருடன் இணைந்து யுத்த குற்றங்களில் ஈடுபட்டனரா என்பது குறித்து பிரிட்டிஸ் பொலிஸார் ஏற்கனவே விசாரணைகளை ஆரம்பித்துள்ளனர்.
ஜனவரியில் வெளியான எனது நூலில் இந்த குற்றச்சாட்டுகள் வெளியாகியுள்ளன.

எனினும் தமிழர்களிற்கு எதிரான நடவடிக்கையின் பின்னர் கினிமினியினர் இலங்கையில் நடவடிக்கைகளில் ஈடுபடுவதை உத்தியோகபூர்வமாக நிறுத்திக்கொண்டனரா அல்லது சிங்கள எழுச்சியை அடக்குவதற்காக இலங்கையிலேயே நிலைகொண்டிருந்தனரா என்பது தெளிவாகவில்லை.
கடந்த வாரம் வெளிவிவகார அலுவலகம் கினிமினி குறித்த பகிரங்கப்படுத்தப்பட்ட ஆவணங்களை வெளியிட்டுள்ளது.
பீரிடம் ஹவுசின் வேண்டுகோளிற்கு இணங்க முன்னர் வெளியாகாத ஆவணங்களை வெளிவிவகார அமைச்சு அனுப்பியுள்ளது.
இலங்கையில் உள்ள பிரிட்டிஸ் தூதுரகத்தின் பழைய பாதுகாப்பு பிரிவில் இந்த கோப்புகள் வைக்கப்பட்டுள்ளன.

1971 முதல் 1995 வரை இலங்கைக்கான பிரிட்டிஸ் தூதரகத்தில் பாதுகாப்பு அதிகாரியாக பணியாற்றியவர்களின் ஆவணங்களே இவை.
ஏன் இந்த ஆவணங்கள் வைக்கப்பட்டிருந்தன என்பது தெரியவில்லை என முன்னாள் தூதுவர் ஒருவர் தெரிவித்துள்ளார்.
இந்த ஆவணங்கள் கினிமினி எதிர்பார்க்கப்பட்டதை விட இலங்கையில் நீண்ட காலம் நடவடிக்கையில் ஈடுபட்டிருந்ததை இந்த ஆவணங்கள் வெளிப்படுத்தியுள்ளதுடன் இதற்கு முன்னர் தெரியவந்திராத கூலிப்படை வீரரின் பெயரையும் வெளியிட்டுள்ளன.
இந்த ஆவணங்கள் கினிமினி பிரிட்டனின் முன்னாள் இராணுவ புலனாய்வு கப்டன் ரொபேர்ட் மக்கிரின்டலை இலங்கையில் தொடர்ந்தும் பணியாற்ற செய்தது,
British High Commissioner David Gladstone forecast in December 1987 that the KMS presence in Sri Lanka was “winding down” (Photo: FCO 37/4706)

அவர் இலங்கை பாதுகாப்பு அமைச்சின் நடவடிக்கை தலைமையகத்தில் பணிபுரிந்தார் என வெளியாகியுள்ள ஆவணங்கள் தெரிவித்துள்ளன.கினிமினிக்கும் இலங்கையில் பணியாற்றிய அதன் கூலிப்படையினருக்குமான ஒப்பந்தம் முடிவடைந்த பின்னரும் இவர் இலங்கையில் பணியாற்றியுள்ளார்.
பிரிட்டனின் முன்னாள் இராணுவீரர்; ஜோன்வின்டர்போன் 1989வரை இரத்மலானை விமானப்பயிற்சி கல்லூரியில் பணியாற்றியுள்ளார்.

இவர் யார் என்பது தெரியாத போதிலும் ஆவணங்கள் இவர் முன்னாள் கினிமினி உறுப்பினர் என தெரிவித்துள்ளன.
கினிமினியின் சில உறுப்பினர்கள் 1989 முதல் இலங்கையில் நடவடிக்கைகளில் ஈடுபட்டுள்ளதால் அவர்கள் ஜேவிபிக்கு எதிராக அடக்குமுறையிலும் ஈடுபட்டிருக்கலாம்.
இலங்கைக்கான பிரிட்டனின் தூதுவராக பணியாற்றிய டேவிட்கிளட்ஸ்டோன் கிளர்ச்சிக்கு எதிரான நடவடிக்கையில் ஈடுபட்ட படையினரால் ஆயிரக்கணக்கான இளைஞர்கள் அவ்வேளை கொல்லப்பட்டனர் என என்னிடம் தெரிவித்தார்.

You might also like

Leave A Reply

Your email address will not be published.

15 − six =

*