;
Athirady Tamil News

யாழில் “கொரோனா”வை பரப்பிய, சுவிஸ் தமிழ் போதகர் பெரும் “தில்லுமுல்லு” பேர்வழி.. (வீடியோவுடன் வெளிச்சத்துக்கு வரும் சில தகவல்)

0

யாழில் “கொரோனா”வை பரப்பிய, சுவிஸ் தமிழ் போதகர் (PASTOR) பெரும் தில்லுமுல்லு பேர்வழி.. (வீடியோவுடன் வெளிச்சத்துக்கு வரும் சில தகவல்)

சுவிஸ் நாட்டில் இருந்து யாழ் வந்து, யாழில் உள்ள மக்களுக்கு கொரோனாவை கொடுத்து விட்டு மீண்டும் சுவிஸ் சென்று வைத்தியசாலையில் கிடக்கும் திரு.பவுல் (போல்) சற்குணராஜா, ஒரு மாபெரும் சுத்துமாத்து பேர்வழி என்று, சுவிஸ் நாட்டின் தொலைக்காட்சி மூன்று வருடங்களுக்கு முன்னரே அறிவித்துள்ளது.

சுவிஸில் “பீல்” பிரதேசத்தில் “தமிழ் கிறிஸ்தவ சபை” ஒன்றை உருவாக்கி “போதகராக” செயலாற்றும் திரு.பவுல் (போல்) சற்குணராஜா என்பவரே யாழில் “கொரோனா வைரஸ்” பரவக் காரணமெனக் கூறப்படுகிறது.

இவர் தற்போது, சுவிஸ் பேர்ண் “இன்செல்” வைத்தியசாலையில் அனுமதிக்கப்பட்டு உள்ளார் என்பது குறிப்பிடத்தக்கது. (சில ஊடகங்களில் இவரது பெயருக்கு பதிலாக இன்னுமோர் தமிழ் போதகரின் பெயர் குறிப்பிடப்பட்டு உள்ளது)

ஆம்.. இந்த திரு.பவுல் (போல்) சற்குணராஜா என்பவர் சுவிஸ் நாட்டில் ஒரு கிறிஸ்தவ சபை ஒன்றை உருவாக்கி “போதகராக” நடத்திக் கொண்டு மக்களிடம் பணம் பறித்துள்ளார். “இலங்கையில் உள்ள ஏழைப் பெண்களை பராமரிக்க என” என்று கூறி, சுவிஸ் மக்களிடம் அளவுக்கு அதிகமாக பணம் பறித்துள்ளார் என்று, சுவிஸ் நாட்டு தொலைக்காட்சி 2017 யிலேயே வெளிச்சம் போட்டு காட்டியுள்ளது.

கிறிஸ்தவ சபை, மக்களிடம் ஒரு சிறிய தொகையை அறவிட முடியும் என்றும், ஆனால் இந்த பவுல் (போல்) சற்குணராஜா, சுவிஸ் தமிழ் மக்களிடம் அதிகூடிய பணத்தை பெற்று வந்ததாகவும் கூறப்படுகிறது.

விண்ணப்ப படிவங்களை அச்சடித்து, மக்களிடம் சந்தா முறையில் மாதம் மாதம் பணம் பெற்று வந்ததாகவும், சந்தாவை புதுப்பிக்க மறுத்த தமிழர்கள் மேல் கோபம் கொன்ட திரு.பவுல் (போல்) சற்குணராஜா, “உங்களை தேவன் மன்னிக்க மாட்டார்” என்று கூறி அவர்களை அச்சுறுத்தி பணிய வைத்து, மீண்டும் சந்தாதாரர் ஆக்கியுள்ளார்.

சுவிஸ் போதகர் திரு.பவுல் (போல்) சற்குணராஜா சுவிஸ் நாட்டில் பெரும் பில்லியனர் (செல்வந்தர்) என்ற செய்தி வெளியாகியுள்ளது. சுவிஸ் நாட்டில் இவருக்கு சொந்தமாக மிகப் பெரிய சர்ச் ஒன்று இருப்பதாகவும், அதனூடாக இவர் பெரும் பணத்தை சம்பாதித்து வருவதாகவும் அறிகிறது.

ஆனால் “இலங்கையில், இவர் யாருக்கு உதவினார்?” என்ற விரங்கள் எதுவும் இதுவரை வெளியிடப்படவில்லை என்றும் குறித்த TV சேனல், தெரிவித்துள்ளது.

இது போக இவர் “நோய்களை குணப்படுத்துவதாக கூறும் கும்பலைச் சார்ந்தவர் என்றும், மருந்து மாத்திரை இல்லாமல். நேரடியாக ஆண்டவரின் உதவியோடு நோய்களை குணப்படுத்தியாக கூறி மக்களை ஏமாற்றியுள்ளார்” ஏன் எனில் இவரே தற்போது கொரோனா வந்து சுவிஸில் அதிதீவிர சிகிசசைப் பிரிவில் அனுமதிக்கப்பட்டு உள்ளார்.

இந்த நிலையில் “இவர் ஏன் யாழ் கிளம்பிச் சென்றார்?” என்பது பெரும் சந்தேகமாக உள்ளதாக பலர் தெரிவித்துள்ளார்கள். பற்றுச்சீட்டுகளை அச்சடித்து மக்களிடம் பணம் பறித்த, இந்த தமிழ் போதகர் (PASTOR) திரு.பவுல் (போல்) சற்குணராஜா மீது சுவிஸ் பொலிசார் விசாரணை நடத்த வேண்டும் என்ற கோரிக்கை முன்வைக்கப்பட்டு வருகிறது.

புனிதமான மதத்தின் பெயரைச் சொல்லி பணத்தை பறித்ததும் இல்லாமல், நோயை பரப்பியும் உள்ளார்.

“கொரோனா என்று தெரிந்த பின்னர் பயணிப்பதும். மற்றவர்களோடு சகஜமாக பழகி நோயை கடத்துவதும், கொலைக் குற்றம்” என்பதனை சுவிஸ் அரசு, ஏற்றுக் கொண்டுள்ள நிலையில், இவர் மீது நடவடிக்கை எடுக்கப்பட வேண்டும் என்ற கோரிக்கை வலுப்பெற்றுள்ளது.

சுவிஸில் இவர் குறித்து மட்டுமல்ல, இன்னும் சில கிறிஸ்தவ சபை தமிழ் போதகர்கள் மீது “பணம் பறிப்பு மட்டுமல்ல, பாலியல் குற்றச்சாட்டும்” முன்வைக்கப்பட்டு, சுவிஸ் அரசினால் வழக்குகள் தாக்கல் செய்யப்பட்டு உள்ளமையும், அதேபோல் இந்து ஆலயங்கள் சிலவற்றிலும் “பணமோசடி, நிர்வாக குளறுபடி” போன்ற குற்றச்சாட்டுக்கள் தமிழ் மக்களினால் முன்வைக்கப்டுவதும் குறிப்பிடத்தக்கது.

“அதிரடி” இணையத்துக்காக சுவிஸில் இருந்து “உண்மைவிளம்பி”

சுவிஸில் அதிர்ச்சி சம்பவம்.. தமிழ் பாஸ்ரர் ஒருவரினால் பலாத்காரம் செய்யப்பட்டனரா இளம்பெண்கள்? விபரம் என்ன?? (வீடியோ & படங்கள்)

You might also like

Leave A Reply

Your email address will not be published.

one × five =

*