20 May 2017 0 Comments Report

20 ஆண்டுகளாக விமானியாக இருந்து கொண்டே ஆட்சி நடத்தும் மன்னர்: சுவாரஸ்ய சம்பவம்..!!

இருபது ஆண்டுகளாக விமானியாக வேலை பார்த்துக்கொண்டே ஆட்சி பொறுப்பை நடத்திவருவதாக நெதர்லாந்து மன்னர் வில்லியம் அலெக்சாண்டர் தெரிவித்துள்ளார்.

மன்னர் ஆட்சி இடம் பெறும் நெதர்லாந்தில் நாடாளுமன்ற முறைப்படியே ஆட்சி நிர்வாகம் நடைபெற்று வருகிறது. மன்னர் நாட்டின் தலைவராக இருந்த போதினும், அதிகாரங்கள் வாக்கெடுப்பு மூலம் தேர்ந்தெடுக்கப்படும் பிரதமரிடம் இருக்கும் என்று கூறப்படுகிறது.

நெதர்லாந்து நாட்டின் தற்போது மன்னராக இருப்பவர் வில்லியம் அலெக்சாண்டர். ராணியான பீட்ரிக்ஸ்(79) பதவி விலகியதால், வாரிசு அடிப்படையில் வில்லியம்ஸ் நாட்டின் மன்னராக தேர்ந்தெடுக்கப்பட்டுள்ளார்.

இந்நிலையில் வில்லியம்ஸ் சமீபத்திய பேட்டியில், தான் 20 ஆண்டுகலமாக விமானியாக பணிபுரிந்து வருவதாகவும், பணிக்கு செல்லும்போது தான் ஒரு மன்னர் என்பதையே மறந்துவிடுவதாகவும், ஆட்சி பொறுப்பில் தனக்கு ஆயிரம் பிரச்சனைகள் இருந்தாலும் பயணிகளின் பாதுகாப்பை உறுதிசெய்யும் வகையில் அனைத்தையும் மறந்துவிட்டு பொறுப்புடன் தன்னுடைய வேலையை தொடர்ந்து வருவதாக கூறியுள்ளார்.

வில்லியம் ஆரம்பத்தில் துணை விமானியாக இருந்து படிப்படியாக விமானத்தை ஓட்டுவதற்கு கற்றுக்கொண்டுள்ளார். மாதத்தில் இரண்டு நாட்கள் மட்டும் விமானியாக பணிபுரிந்து வருகிறார் என்பது குறிப்பிடத்தக்கது.


Post a Comment

*