;
Athirady Tamil News

செல்பேசியில் உரத்த இசையால் நடக்க இருந்த கொலை..!!

0

பரிசை அண்மித்த புறநகரப் பகுதியான Vésinet யில் கொலை ஒன்று மயிரிழையில் தடுக்கப்பட்டுள்ளது.

இங்குள்ள ஒரு அருந்தகத்தில் உணவருந்திக் கொண்டிருந்த இருவர் தங்கள் செல்பேசியில் மிகவும் சத்தமாகப் பாடலைப் போட்டுக்கொண்டு இருந்துள்ளனர். இது மற்றைய வாடிக்கையாளர்களை மிகவும் இடையூரிற்கு உள்ளாக்கி உள்ளது. இதனால் அங்கு பரிமாறளனாக (serveur) இருந்த இளைஞன் அவர்களிடம் சென்று, சத்தத்தைக் குறைக்கும் படியும் அது மற்றவர்களிற்கு இடையூறாக உள்ளது என்றும் தெரிவித்துள்ளார்.

இதனால் கோபமுற்ற இருவரும் அங்கிருந்து வெளியேறி, அருகிலுள்ள பல்பொருள் அங்காடியில், 20 சென்றிமீற்றர் நீளமுள்ள கத்தியைத் திருடி வந்துள்ளனர். வந்தவர்கள் நேராக அந்தப் பரிமாறளனைக் குத்திக் கொள்ள முயன்றுள்ளனர்.

இதற்குள் இந்த அருந்தகத்தின் உரிமையாளர், தாக்கவந்தவர்கள் மீது கண்ணீர்ப்புகைத் தாக்குதலை மேற்கொண்டுள்ளார்.

அத்தோடு காவற்துறையினரையும் அழைத்துள்ளார்.அங்கு வந்த மாநகரசபைக் காவற்துறையினர், வன்முறையாளன் ஒருவனைத் தொடருந்து நிலையத்தருகில் கைது செய்துள்ளனர். இவரின் தகவல்களின் மூலம் இரண்டாவது வன்முறையாளனும் கைது செய்யப்பட்டு Saint-Germain-en-Laye காவல் நிலையத்திற்குக் கொண்டு செல்லப்பட்டுள்ளனர்.

You might also like

Leave A Reply

Your email address will not be published.

fifteen − eight =

*