;
Athirady Tamil News

பிஎஸ்என்எல் எக்சேஞ்ச் வழக்கு ; மாறன் சகோதரர்கள் விடுதலை…!!

0

கடந்த 2004 முதல் 2007 வரை தயாநிதி மாறன் மத்திய தொலைத்தொடர்புத் துறை அமைச்சராக இருந்தபோது, தன் சகோதரர் கலாநிதி மாறனுக்கு சொந்தமான நிறுவனமான சன் தொலைக்காட்சி நிறுவனத்துக்கு பிஎஸ்என்எல் அதிவிரைவு தொலைபேசி இணைப்புகளை முறைகேடாக வழங்கியதாக குற்றச்சாட்டு எழுந்தது.

சட்டவிரோதமாக வழங்கப்பட்ட இந்த இணைப்புகள் மூலம் அரசுக்கு பல கோடி ரூபாய் இழப்பு ஏற்பட்டதாக உச்சநீதிமன்றத்தில் வழக்கு தொடரப்பட்டது. இதனை விசாரித்த உச்சநீதிமன்றம் வழக்கை சிபிஐ விசாரணைக்கு மாற்றியது.

முன்னாள் மத்திய அமைச்சர் தயாநிதி மாறன், 2007ஆம் ஆண்டு சென்னை பிஎஸ்என்எல் அலுவலகத்தின் பொது மேலாளராக இருந்த கே.பிரம்மநாதன், முன்னாள் துணை பொது மேலாளர் வேலுசாமி, தயாநிதி மாறனின் தனிச் செயலாளராக இருந்த கவுதமன், சன் தொலைக்காட்சியின் முதன்மை தொழில்நுட்ப அதிகாரி கண்ணன், எலக்ட்ரீஷியன் ரவி, சன் தொலைக்காட்சி தலைவர் கலாநிதி மாறன் உள்ளிட்ட 7 பேர் மீது டெல்லி சிபிஐ அதிகாரிகள் வழக்குப்பதிவு செய்தனர்.

கடந்த 2016 ஆம் ஆண்டு டிசம்பரில் சென்னை சிபிஐ நீதிமன்றத்தில் இந்த 7 பேர் மீது சிபிஐ தரப்பில் குற்றப்பத்திரிகை தாக்கல் செய்யப்பட்டது. அதில், 2004 முதல் 2007 ஆம் ஆண்டு கால கட்டம் வரை மத்திய தகவல் மற்றும் தொலை தொடர்பு துறை அமைச்சராக இருந்த தயாநிதி மாறன் தனது அதிகாரத்தை தவறாக பயன்படுத்தி, சட்டவிரோதமான தொலைப்பேசி இணைப்புகளை வழங்கியதன் மூலம் அரசுக்கு ரூ.1.76 கோடி வருவாய் இழப்பு ஏற்பட்டதாகக் கூறப்பட்டிருந்தது. பின்னர், சென்னை சிபிஐ சிறப்பு நீதிமன்றத்தில் தொடர்ந்து இந்த வழக்கின் விசாரணை நடைபெற்று வந்தது.

இந்நிலையில், இன்று மதியம் 2.30 மணிக்கு சென்னை சிபிஐ சிறப்பு நீதிமன்றம் இந்த வழக்கில் குற்றம் சாட்டப்பட்ட மாறன் சகோதரர்கள் உள்ளிட்ட ஏழு பேரையும் விடுதலை செய்து அதிரடியாக தீர்ப்பளித்துள்ளது.

You might also like

Leave A Reply

Your email address will not be published.

five × 3 =

*