;
Athirady Tamil News

ஓடும் ரயிலில் பாலியல் முயற்சி – பெண்ணை காப்பாற்றிய பொலிசுக்கு ரூ 1 லட்சம்..!!

0

சென்னையில் ஓடும் ரயிலில் பாலியல் பலாத்கார முயற்சியிலிருந்து பெண் ஒருவரை காப்பாற்றிய போலீஸ் கான்ஸ்டபிளுக்கு மத்திய அரசு விருது அறிவித்துள்ளது.சென்னையில் ஓடும் ரயிலில் பாலியல் பலாத்கார முயற்சியிலிருந்து பெண் ஒருவரை காப்பாற்றிய போலீஸ் கான்ஸ்டபிளுக்கு மத்திய அரசு விருது அறிவித்துள்ளார்.

சென்னை வேளச்சேரியிலிருந்து கடற்கரை நோக்கிஇரவு 11 மணியளவில் பறக்கும் ரயில் ஒன்று சென்று கொண்டிருந்தது. இதில், பொதுப்பெட்டியில் இளம் பெண் ஒருவர் பயணம் செய்தார். அப்போது, அசதியில் அந்த இளம் பெண் தூங்கிவிட்டார். ரயில் சிந்தாதிரிப்பேட்டை அருகில் வந்த போது பெட்டியில் இருந்த அனைவரும் இறங்கிவிட்டனர்.

அந்த இளம் பெண்ணும், வேளச்சேரியைச் சேர்ந்த சத்யராஜ் (25) என்ற இளைஞரும் மட்டும் இருந்தனர். அப்போது, திடீரென்று சத்யராஜ் அந்த இளம் பெண்ணை பாலியல் பலாத்காரம் செய்ய ஆரம்பித்துள்ளார்.இதில், என்ன செய்வதென்று தெரியாமல் திகைத்த அவர், சத்தம் போட்டுள்ளார். இந்த கூச்சல் சத்தம் கேட்ட பக்கத்து பெட்டியில் இருந்த ரயில்வே போலீஸ் சிவாஜி, பூங்கா நகர் ரயில் நிலையத்திற்கு வந்ததும், இளம்பெண்ணை காப்பாற்ற ஓடியுள்ளார்.

இதையடுத்து, சத்யராஜ்ஜை பிடித்து, அந்த இளம்பெண்ணை காப்பாற்றியுள்ளார். மேலும், சத்யராஜ்ஜை உடனடியாக ரயில்வே போலீசில் ஒப்படைத்துள்ளார். இதில், மயக்க நிலையில் இருந்த அந்த இளம் பெண் மருத்துவமனைக்கு அனுப்பி வைக்கப்பட்டார். அங்கு அவருக்கு மனநல சிகிச்சை அளிக்கப்பட்டது.

பாலியல் குற்றவாளியை பிடித்து இளம்பெண்ணை மீட்ட ரயில்வே போலீஸ் சிவாஜி மற்றும் எஸ்.ஐ. சுப்பையா ஆகிய இருவருக்கும் ரயில்வே அதிகாரி பொன் மாணிக்கவேல், பாராட்டி தலா, 5000 ரூபாய் பரிசுத்தொகை அளித்துள்ளார். இதற்கிடையில், மத்திய அமைச்சர் பியூஷ் கோயல் ரயில்வே போலீஸ் அதிகாரிக்கு ரூ.1 லட்சம் பரிசும், தீரர் விருதும், வழங்க ஒப்புதல் அளித்துள்ளார்

You might also like

Leave A Reply

Your email address will not be published.

two × two =

*