;
Athirady Tamil News

தங்க நகை, தாலிக்கொடி ஆகியன அபகரித்து சென்ற நபர் கைது..!! (படங்கள்)

0

ஹட்டன் பொலிஸ் பிரிவுக்குட்பட்ட ஹட்டன் மெண்டிஸ் மாவத்தை பகுதியில் கடந்த 01.05.2018 காலை 7.00 மணியளவில் தங்க நகை, தாலிக்கொடி ஆகியன அபகரித்து சென்ற நபர் ஒருவரை 02.05.2018 அன்று மாலை கைது செய்துள்ளதாக ஹட்டன் பொலிஸார் தெரிவித்தனர்.

கடந்த 01 ம் திகதி அதிகாலை குறித்த நகரசபை தவிசாளரின் மனைவி கடைக்கு சென்று கொண்டிருந்த வேளையில் குறித்த சந்தேக நபர் மாலையுடன் கூடிய தாலிக் கொடியினை அறுத்துக்கொண்டு ஓடியுள்ளதாக பொலிஸ் நிலையத்தில் செய்த முறைப்பாட்டினையடுத்தே இவர் கைது செய்யப்பட்டுள்ளார்.

அதனை தொடர்ந்து மேற்கொண்ட விசாரணையின் மூலம் இவரால் ஐந்து பவுன் பெறுமதியுடைய நகைகள் திருடப்பட்டுள்ளதாகவும், அதனை ஒரு லட்சத்து இருபத்தையாயிரம் ரூபாவுக்கு அட்டன் பிரதேசத்தில் உள்ள நகை கடை ஒன்றில் அடகு வைத்திருப்பதாகவும் அந்த பணத்தில் வீட்டு கூலி, செலுத்தியிருப்பதாகவும் ஏனைய பணத்தில் ஒரு கையடக்க தொலை பேசி கொள்வனவு செய்திருப்பதாகவும், 9000 ரூபா செலவழித்திருப்பதாகவும் பொலிஸார் மேற்கொண்ட ஆரம்பகட்ட விசாரணையின் மூலம் தெரியவந்துள்ளது.

களவாடப்பட்ட நகை மற்றும் கையடக்க தொலைபேசி உட்பட 116000 ரூபா பணம் பொலிஸாரினால் மீட்கப்பட்டுள்ளன.

சந்தேக நபர் அட்டன் பிரதேசத்ததைச் சேர்ந்த ராமன் தினேஸ்குமார் வயது 27 எனவும், குறித்த சந்தேக நபரையும், மீட்கப்பட்ட பணம் மற்றும் நகைகளையும், 03.05.2018 நேற்றைய தினம் ஹட்டன் நீதவான் முன்னிலையில் ஆஜர் செய்வதற்கான நடவடிக்கைகள மேற்கொண்டுள்ளதாகவும் பொலிஸார் மேலும் தெரிவித்தனர்.

இச்சம்பவம் தொடர்பான மேலதிக விசாரணைகளை ஹட்டன் பொலிஸார் மேற்கொண்டு வருகின்றனர்.

You might also like

Leave A Reply

Your email address will not be published.

17 + 3 =

*