;
Athirady Tamil News

பிரிட்டிஷ் இளவரசர் ஹாரி திருமணம் – இனிப்பு கொடுத்து கொண்டாடும் டப்பாவாலாக்கள்..!!

0

பிரிட்டன் அரியணை வரிசையில் ஐந்தாவதாக அமரவுள்ளவர் இளவரசர் ஹாரி. கடந்த 2016-ம் ஆண்டில் இருந்து இளவரசர் ஹாரியும், அமெரிக்க நடிகையான மேகன் மார்க்லேவும் காதலித்து வந்தனர்.

இந்த ஜோடியினர் கடந்த டிசம்பர் மாதத்தில் நிச்சயம் செய்துகொண்டனர். அதன்படி, இளவரசர் ஹாரி – மேகன் மார்க்லேயின் திருமணம் இந்த மாதம் 19-ம் தேதி நடைபெற உள்ளது.

இந்நிலையில், பிரிட்டிஷ் இளவரசர் ஹாரியின் திருமணத்தை இனிப்பு கொடுத்து கொண்டாட மகாராஷ்டிராவில் உள்ள டப்பாவாலாக்கள் முடிவு செய்துள்ளனர்.

இதுகுறித்து மும்பை டப்பாவாலாக்கள் அசோசியேஷனின் செய்தி தொடர்பாளர் சுபாஷ் தலேகர் கூறுகையில், கடந்த சில ஆண்டுகளுக்கு முன் நடந்த பிரிட்டன் இளவரசர் சார்லஸ் திருமணத்துக்கு எங்களுக்கு அழைப்பிதழ் அனுப்பினர். அங்கு சென்ற எங்களுக்கு பிரிட்டன் ராஜ குடும்பத்தினர் சிறப்பான வரவேற்பு அளித்தனர்.

அந்த வரவேற்பை கவுரவிக்கும் வகையில் இளவரசர் ஹாரியின் திருமணத்தன்று மும்பையில் செயல்பட்டு வரும் அரசு மருத்துவமனைகளான டாடா மெமோரியல் மருத்துவமனை, கே இ எம் மருத்துவமனை மற்றும் வாடியா மருத்துவமனைகளில் தங்கி சிகிச்சை பெறும் நோயாளிகள் மற்றும் அவர்களது உறவினர்களுக்கு இனிப்பு கொடுத்து கொண்டாட முடிவு செய்துள்ளோம் என தெரிவித்துள்ளார். #PrinceHarry #Dubbawalas

You might also like

Leave A Reply

Your email address will not be published.

12 − 4 =

*