;
Athirady Tamil News

இந்தியா, வியட்நாம் கடற்படை கூட்டுப்பயிற்சி – 3 இந்திய போர் கப்பல்கள் பங்கேற்கின்றன..!!

0

இந்திய கடற்படை முதல் முறையாக வியட்நாமுடன் இணைந்து கூட்டுப்பயிற்சியில் ஈடுபட இருக்கிறது. அதற்காக ஐ.என்.எஸ். சஹாயத்ரி, ஐ.என்.எஸ். கமோர்டா மற்றும் எண்ணெய் கப்பலான ஐ.என்.எஸ். சக்தி ஆகியவை வியட்நாமின் டீன் சா துறைமுகத்துக்கு சென்றுள்ளன. இன்று (21-ம் தேதி) முதல் 25ம் தேதி வரை வியட்நாம் கடற்படையுடன் இணைந்து இக்கப்பல்கள் கூட்டு பயிற்சியில் ஈடுபடுகின்றன.

பாதுகாப்புத்துறை மந்திரி நிர்மலா சீதாராமன் அடுத்த மாதம் வியட்நாம் நாட்டுக்கு பயணம் மேற்கொள்ள இருக்கிறார். இந்த பயணத்தின் போது இரு நாடுகளுக்கு இடையேயான ராணுவ உறவை வலுப்படுத்த பேச்சுவார்த்தை நடத்தவுள்ளார் என கூறப்படுகிறது.

அதைத்தொடர்ந்து வியட்நாம் தரைப்படை மற்றும் கடற்படை தலைவர்கள் இந்தியா வர உள்ளனர். தெற்கு சீன கடல் பகுதியை சீனா உரிமை கொண்டாடுவதற்கு வியட்நாம் எதிர்ப்பு தெரிவித்து வரும் நிலையில் அந்நாட்டுடன், இந்தியா கூட்டு ராணுவ பயிற்சி மேற்கொள்ள இருக்கிறது என்பது குறிப்பிடத்தக்கது.

You might also like

Leave A Reply

Your email address will not be published.

18 + 9 =

*