;
Athirady Tamil News

ரஷ்யாவிற்கு சென்றடைந்தார் மோடி- புதினுடன் முக்கிய பேச்சுவார்த்தை..!!

0

நட்பு நாடுகளுடனான உறவை வலுப்படுத்தும் வகையில், பிரதமர் மோடி வெளிநாடுகளுக்கு பயணங்கள் மேற்கொண்டு வருகிறார். அரசு முறை அல்லாத பயணமாகவும் செல்கிறார். அவ்வகையில் சமீபத்தில் அரசுமுறை அல்லாத பயணமாக சீனா சென்ற அவர் அந்நாட்டு அதிபர் ஜின்பிங்கை சந்தித்து பேச்சுவார்த்தை நடத்தினார்.

இந்நிலையில், ரஷ்ய அதிபர் புதினுடன் உயர்மட்ட பேச்சுவார்த்தை நடத்துவதற்காக பிரதமர் மோடி இன்று புறப்பட்டுச் சென்றார். டெல்லியில் இருந்து விமானத்தில் ரஷ்யாவின் சோச்சி நகருக்குச் சென்ற மோடியை உயர் அதிகாரிகள் மற்றும் பாதுகாப்புத்துறை தலைவர்கள் வரவேற்று அழைத்துச் சென்றனர். இந்த பயணமும் அரசுமுறை அல்லாத பயணம் தான்.

இன்று மதியம் புதினை மோடி சந்திக்க உள்ளார். அப்போது, மோடிக்கு புதின் மதிய விருந்து வழங்கி உபசரிக்கிறார். பின்னர் இரு தரப்பு உறவுகளை பலப்படுத்துவது குறித்தும், சர்வதேச பிரச்சனைகள் குறித்தும் இரு நாட்டு தலைவர்களும் விவாதிக்க உள்ளனர்.

ரஷியா மீது அமெரிக்கா விதிக்கும் பொருளாதார தடையால், இந்தியா-ரஷியா பாதுகாப்பு ஒத்துழைப்பில் ஏற்படும் பாதிப்பு குறித்தும் பேச்சுவார்த்தை நடத்துகிறார்கள். இந்தியா-ரஷியா இடையிலான அணுசக்தி ஒத்துழைப்பை மூன்றாம் நாடுகளுக்கு விரிவுபடுத்துவது, கொரிய தீபகற்ப நிலவரம் ஆகியவை பற்றியும் பேசுகிறார்கள்.

You might also like

Leave A Reply

Your email address will not be published.

twenty + 16 =

*