;
Athirady Tamil News

கண்ணூரில் இன்று காலை புதர்மறையில் சக்தி வாய்ந்த வெடிகுண்டுகள் மீட்பு..!!

0

கேரள மாநிலம் கண்ணூர் மாவட்டம் தில்லன்சேரி பகுதியில் உள்ள சாலையில் இன்று காலை தொழிலாளர்கள் சாலை அருகே உள்ள புதர்களை வெட்டி சுத்தம் செய்தனர்.

அப்போது ஒரு வாழைமரத்தடியில் பந்து வடிவில் 2 மர்ம பொருட்கள் இருந்தன. சந்தேகம் அடைந்த தொழிலாளர்கள் முழக்குன்னு போலீசுக்கு தகவல் தெரிவித்தனர். முழக்குன்னு போலீசார் வெடிகுண்டு நிபுணர்களுடன் சம்பவ இடத்திற்கு வந்தனர்.

2 மர்ம பொருளை பத்திரமா மீட்டு மணல் போட்ட ஒரு பிளாஸ்டிக் பாத்திரத்தில் வைத்தனர். மர்ம பொருளை சோதனை செய்தபோது நிபுணர்கள் அதிர்ச்சியடைந்தனர். மிகவும் சக்தி வாய்ந்த வெடிகுண்டு என்பதும், இது வெடித்தால் சுமார் 1 கி. மீட்டருக்கு கடும் சேதத்தை ஏற்படுத்தும் என்றும் கூறினர். இந்த பகுதியில் பா. ஜனதாவுக்கும், கம்யூனிஸ்ட்டு கட்சிகளுக்கும் இடையே அடிக்கடி மோதல் ஏற்படுகிறது. இதனால் தொண்டர்கள் வெட்டு, குத்து, வெடிகுண்டு வீச்சில் ஈடுபட்டு வருகிறார்கள். இதில் பலர் உயிரிழந்துள்ளனர். இந்நிலையில் இந்த வெடிகுண்டு கிடைத்துள்ளது. எனவே திட்டமிட்டு ஒரு தரப்பினர் கலவரத்தை ஏற்படுத்திவிட்டு அப்போது இந்த குண்டுகளை வீச சதி திட்டம் தீட்டியிருக்கலாம் என்று போலீசார் சந்தேகப்படுகிறார்கள்.

கைப்பற்றப்பட்ட 2 வெடிகுண்டுகளையும் கண்ணூர் மாவட்ட தலைமை அலுவலகத்திற்கு நிபுணர்கள் எடுத்துச்சென்றனர். இது குறித்து முழக்குன்னு போலீசார் மற்றும் கண்ணூர் மாவட்ட தலைமை போலீசார் அதிகாரிகள் தீவிர விசாரணை நடத்தி வருகிறார்கள். உளவுத்துறை போலீசார் உஷார் படுத்தப்பட்டுள்ளனர்.

தாங்கள் கண்டு பிடித்தது வெடிகுண்டு என்று தெரிந்ததும் தொழிலாளர்கள் அதிர்ச்சியில் உறைந்தனர்.

You might also like

Leave A Reply

Your email address will not be published.

twelve + 10 =

*