;
Athirady Tamil News

IPL கிரிக்கெட் சூதாட்டத்தில் இரண்டே முக்கால் கோடி ரூபாயை இழந்ததாக, பாலிவுட் நடிகர் அர்பாஸ் கான் ஒப்புக்கொண்டதாக தகவல்..!! (வீடியோ)

0

ஐ.பி.எல். கிரிக்கெட் சூதாட்டத்தில் இரண்டே முக்கால் கோடி ரூபாயை இழந்ததாக, பாலிவுட் நடிகர் அர்பாஸ் கான் ஒப்புக்கொண்டதாக தகவல் வெளியாகியுள்ளது.

ஐ.பி.எல். கிரிக்கெட் போட்டியை மையமாக வைத்து, மகாராஷ்டிராவில் சூதாட்டம் நடைபெற்றதாக எழுந்த புகாரில், சூதாட்ட கும்பலின் தலைவன் சோனு ஜலான் என்பவனை போலீசார் கைது செய்தனர். சோனு ஜலான் கைப்பட எழுதிய டைரியையும் பறிமுதல் செய்த போலீசார், அதை ஆய்வுக்குட்படுத்தினர்.

அதன் அடிப்படையில் நடிகர் சல்மான் கானின் தம்பியும், திரைப்பட நடிகருமான அர்பாஸ் கானுக்கு தானே ((Thane)) போலீசார் சம்மன் அனுப்பினர். அதன்படி, இன்று காலை அவர் போலீஸ் முன் ஆஜராகி விளக்கம் அளித்தார். அப்போது, கிரிக்கெட் சூதாட்டத்தில், தாம் ஈடுபட்டதாகவும், அதில் இரண்டே முக்கால் கோடி ரூபாய் பணத்தை இழந்ததாகவும் நடிகர் அர்பாஸ்கான் ஒப்புக்கொண்டதாக தகவல் வெளியாகியுள்ளது.

முன்னதாக, சூதாட்ட கும்பல் தலைவனின் டைரியில் பிரபல பாலிவுட் நட்சத்திரங்கள் பலரது பெயரும் இடம்பெற்றுள்ளதாக, வழக்கை விசாரித்து வரும் போலீஸ் அதிகாரி ஒருவர் கூறியுள்ளார்.

மேலும், பாகிஸ்தானைச் சேர்ந்த அரசியல் தலைவர் ஒருவரின் பெயரும், சோனு ஜலான் டைரியில் குறிப்பிடப்பட்டுள்ளதாக கூறியுள்ள அவர், அது தொடர்பாகவும் விசாரணை நடைபெற்று வருவதாக தெரிவித்துள்ளார்.

மேலும், ஐ.பி.எல். சூதாட்டத்தில் 3 ஆயிரத்து 500க்கும் மேற்பட்டவர்கள் பங்கேற்றிருக்கலாம் என்றும், ஆயிரம் கோடி ரூபாய் வரை புழங்கியிருக்கலாம் என்றும் போலீஸ் அதிகாரி கூறியுள்ளார்.

You might also like

Leave A Reply

Your email address will not be published.

11 + 9 =

*