;
Athirady Tamil News

வெட்டப்பட்ட மரம் விழுந்ததில் மூன்று பிள்ளைகளின் தந்தை பலி..!!

0

தலவாக்கலை பொலிஸ் பிரிவிற்குட்பட்ட கிரேட் வெஸ்டன் ஸ்கல்பா தோட்டத்தில் மரம் வெட்டச் சென்ற மூன்று பிள்ளைகளின் தந்தை ஒருவர் குறித்த மரத்தில் சிக்கி உயிரிழந்துள்ளார்.

இச்சம்பவம் இன்று (11) பிற்பகல் 2.30 மணியளவில் இடம்பெற்றுள்ளதாக பொலிஸார் தெரிவித்தனர்.

இவ்வாறு உயிரிழந்தவர் கிரேட் வெஸ்டன் ஸ்கல்பா தோட்டத்தைச் சேர்ந்த 40 வயதுடைய மாரிமுத்து திருகேதிஷ்வரன் என்றும் பொலிஸார் தெரிவித்தனர்.

ஒப்பந்த அடிப்படையில் தோட்ட நிர்வாகத்திற்கு மரங்களை வெட்டிக் கொடுக்கும் இவர், வழமை போன்று இன்றும் மரங்களை வெட்டிக்கொண்டிருக்கும் பொழுது எதிர்பாராத நிலையில் வெட்டப்பட்ட மரம் ஒன்று அவரின் மீது விழுந்துள்ளது.

மரத்தில் சிக்கிய இவரை ஏனையவர்கள் மீட்ட போதும், லிந்துலை வைத்தியசாலைக்கு கொண்டு செல்லும் வழியில் குறித்த நபர் உயிரிழந்துள்ளார்.

சடலம் பிரதே பரிசோதனைக்காக லிந்துலை வைத்தியசாலையில் வைக்கப்பட்டுள்ளதோடு, பரிசோதனைகளின் பின் சடலம் உறவினர்களிடம் ஒப்படைக்கப்படும் என வைத்தியசாலை வட்டாரங்கள் தெரிவிக்கின்றன.

சம்பவம் குறித்து மேலதிக விசாரணைகளை தலவாக்கலை பொலிஸார் மேற்கொண்டு வருகின்றனர்.

You might also like

Leave A Reply

Your email address will not be published.

5 × three =

*