;
Athirady Tamil News

கபினி அணையில் இருந்து தண்ணீர் திறப்பு – குமாரசாமிக்கு கமல் நன்றி..!!

0

கர்நாடக முதல் மந்திரி குமாரசாமி மதுரை மீனாட்சி அம்மன் கோவிலுக்கு இன்று குடும்பத்துடன் வருகை வந்தார். அங்கு சாமி கும்பிட்டபின் செய்தியாளர்களிடம் கூறுகையில், கர்நாடகாவில் இந்த ஆண்டு பருவமழை பெய்து வருவதால் காவிரியில் இருந்து தமிழகத்துக்கு தண்ணீர் வழங்குவதில் எந்த சிக்கலும் இல்லை. இதையடுத்து கர்நாடக நீர்ப்பாசனத் துறை அதிகாரிகளிடம் கபினி அணையில் இருந்து தண்ணீர் திறந்து விடுமாறு உத்தரவிட்டேன். நேற்றிரவு முதல் கபினி அணையில் இருந்து வினாடிக்கு 25 ஆயிரம் கன அடி தண்ணீர் திறந்து விடப்பட்டு வருகிறது என தெரிவித்தார்.

இந்நிலையில், கபினி அணையில் இருந்து தமிழகத்துக்கு தண்ணீர் திறக்கப்பட்டதற்கு கர்நாடக முதல் மந்திரி குமாரசாமிக்கு மக்கள் நீதி மய்யம் கட்சி தலைவர் கமல்ஹாசன் நன்றி தெரிவித்துள்ளார்.

இதுதொடர்பாக, கமல்ஹாசன் டுவிட்டரில் கூறுகையில், கபினி அணையில் இருந்து தமிழகத்துக்கு தண்ணீர் திறந்து விட்டதற்கு கர்நாடக முதல் மந்திரி குமாரசாமிக்கு நன்றி.

காவிரி மேலாண்மை ஆணையம் செயல்பட தொடங்கிய பிறகு இரு மாநில நட்பால் அடைபட்டிருக்கும் பல கதவுகள் திறக்கும் என நம்பிக்கை கொள்கிறேன் என பதிவிட்டுள்ளார்.

You might also like

Leave A Reply

Your email address will not be published.

2 + one =

*