;
Athirady Tamil News

​வெற்றி தோல்வி இன்றி நிறைவடைந்த இரண்டாவது டெஸ்ட் போட்டி..!!

0

இலங்கை மற்றும் மேற்கிந்திய தீவுகள் அணிகளுக்கு இடையிலான இரண்டாவது டெஸ்ட் போட்டி வெற்றி நிறைவடைந்துள்ளது.

இலங்கை அணி தனது முதல் இன்னிங்சில் 253 ஓட்டங்களுக்கு சகல விக்கட்டுக்களையும் இழந்தது. தொடர்ந்து விளையாடிய மேற்கிந்திய தீவுகள் அணி தனது முதல் இன்னிங்சில் சகல விக்கட்டுக்களையும் இழந்து 300 ஓட்டங்களை பெற்று இலங்கை அணியை விட 47 ஓட்டங்கள் முன்னிலை பெற்றது.

இதையடுத்து, இலங்கை அணி தனது இரண்டாவது இன்னிங்சில் 342 ஓட்டங்களுக்கு சகல விக்கட்டுக்களையும் இழந்தது. மேற்கிந்திய தீவுகள் பந்து வீச்சில் ஷனான் கெப்ரியல் சிறப்பாக பந்துவீசி 8 விக்கட்டுக்களையும் கெமார் ரோச் 2 விக்கட்டுக்களையும் வீழ்த்தினர். இதன் மூலம் மேற்கிந்திய தீவுகள் அணியின் வெற்றிக்கு 296 ஓட்டங்கள் இலக்காக நிர்ணயிக்கப்பட்டது.

வெற்றி இலக்கை நோக்கி மேற்கிந்திய தீவுகள் அணி 5 விக்கெட் இழப்பிற்கு 147 ஓட்டங்கள் எடுத்திருந்த நிலையில் மழை காரணமாக போட்டி நிறுத்தப்பட்டது.

இதனால் இரண்டாவது டெஸ்ட் போட்டி வெற்றி தோல்வி இன்றி நிறைவடைந்துள்ளது.

You might also like

Leave A Reply

Your email address will not be published.

two × four =

*