;
Athirady Tamil News

என் கணவர் தான் எனக்கு ராமர்- கவர்னர் ஆனந்திபென்னுக்கு மோடி மனைவி பதிலடி..!!

0

மத்திய பிரதேச கவர்னர் ஆனந்திபென் சமீபத்தில் ஒரு விழாவில் பேசும் போது, ‘‘பிரதமர் மோடி திருமணம் ஆகாதவர்’’ என்று பேசினார்.

அவரது இந்த பேச்சு சர்ச்சையை ஏற்டுத்தியது. சமூக வலைத்தளங்களிலும் வைரலாக பரவியது.

கவர்னர் ஆனந்திபென் குஜராத் முதல்-மந்திரியாக இருந்தவர். அவரது பேச்சு மோடியின் மனைவி ஜசோதா பென்னுக்கு கடும் அதிர்ச்சியை கொடுத்துள்ளது.

தற்போது ஜசோதா பென் வடக்கு குஜராத்தில் உன் சாணும் மாரில் தன் சகோதரர் அசோக் மோடி வீட்டில் வசித்து வருகிறார். கவர்னர் ஆனந்திபென்னுக்கு மறுப்பு தெரிவித்து சமூக வலைத்தளம் மூலம் பதில் அளித்துள்ளார். அதில் அவர் கூறி இருப்பதாவது:-

பிரதமர் மோடி திருமணம் ஆகாதவர் என்று ஆனந்திபென் பேசியதாக வந்த தகவலை பார்த்ததும் நான் மிகுந்த ஆச்சரியம் அடைந்தேன். 2014-ம் ஆண்டு பாராளுமன்ற தேர்தலில் போட்டியிட்ட போது, வேட்பு மனுவில் அவர் தான் திருமணம் ஆனவர் என்று குறிப்பிட்டுள்ளார். அதில் மனைவி பெயர் என்ற இடத்தில் எனது பெயரையும் அவர் எழுதியுள்ளார்.

நன்கு படித்த, பொறுப்புள்ள நபர் (ஆனந்திபென்) சாதாரண ஒரு ஆசிரியையான என்னைப் போன்று பேசுவதை ஏற்க இயலாது. அவரது இந்த பேச்சால் பிரதமரின் இமேஜ்க்கு களங்கம் ஏற்பட்டு இருக்கிறது.

அவர் (மோடி) எனக்கு மிகவும் மரியாதைக்குரியவர். எனக்கு அவர் ராமர்.

இவ்வாறு மோடியின் மனைவி ஜசோதா பென் கூறியுள்ளார்.

You might also like

Leave A Reply

Your email address will not be published.

four + five =

*