;
Athirady Tamil News

அமர்நாத் யாத்திரையில் மேலும் ஒரு பக்தர் உயிரிழப்பு, பலி எண்ணிக்கை 15 ஆக உயர்வு..!!

0

ஜம்மு-காஷ்மீர் மாநிலத்தில் உள்ள அமர்நாத் குகையில் இயற்கையாக தோன்றும் பனி லிங்கத்தை தரிசிக்க ஆண்டுதோறும் பல்லாயிரக்கணக்கான பக்தர்கள் புனித யாத்திரை மேற்கொள்கிறார்கள். 60 நாட்கள் நீடிக்கும் இந்த ஆண்டிற்கான யாத்திரை கடந்த மாதம் 28-ம் தேதி முதல் தொடங்கி நடைபெற்று வருகிறது.

இந்நிலையில், பஞ்சாப் மாநிலத்தை சேர்ந்த குர்மன் சிங் என்பவர் இன்று உயிரிழந்துள்ளதாக தகவல் வெளியாகியுள்ளது. அமர்நாத் யாத்திரை மேற்கொள்வதற்காக பல்தல் அடிவார முகாமில் காத்திருந்தபோது இன்று அதிகாலை நேரத்தில் மயக்க நிலைக்கு சென்ற அவரை சிகிச்சைக்காக மருத்துவமனையில் அனுமத்தனர்.

ஆனால், அவரது மூளையில் ரத்தக்கசிவு ஏற்பட்டதால், அவர் சிகிச்சை பலனின்றி உயிரிழந்ததாக மருத்துவர்கள் தெரிவித்தனர். இதன்மூலம், அமர்நாத் யாத்திரையின் போது உயிரிழந்தவர்களின் எண்ணிக்கை 15 ஆக உயர்ந்துள்ளது.

You might also like

Leave A Reply

Your email address will not be published.

sixteen − 16 =

*