;
Athirady Tamil News

வங்காள தேசத்தை அங்கீகரிக்கும் தீர்மானம் பாகிஸ்தானில் நிறைவேற்றம் – 10-7-1973..!!

0

வங்காளதேசம் ஒரு தெற்காசிய நாடாகும். இது பண்டைய வங்காளத்தின் ஒரு பகுதியாக இருந்தது. இந்தியா, மியான்மர் ஆகியவை இதன் அண்டை நாடுகளாகும். டாக்கா இதன் தலைநகரமாகும். இந்தியாவின் மேற்கு வங்காளம் மாநிலத்தைப் போன்று, இந்நாட்டிலும் வங்காள மொழியே பேசப்படுகிறது. இந்நாட்டின் எல்லைகள் 1947-ம் ஆண்டு வங்காளப் பிரிவினையின் போது நிறுவப்பட்டது.

1947-வது ஆண்டு இந்திய விடுதலைக்குப்பின், இப்பகுதி கிழக்கு பாகிஸ்தான் என்ற பெயரில் பாகிஸ்தான் நாட்டின் பகுதியாக‌ இருந்தது. இருப்பினும், இப்பகுதிக்கும் மேற்கு பாகிஸ்தான் பகுதிக்கும் இடையிலான தொலைவு சுமார் 1600 கிலோமீட்டர்.

மேற்கு பாகிஸ்தானுக்கும் கிழக்கு பாகிஸ்தானுக்கும் இடையான எந்த போக்குவரத்தும் இந்தியாவின் வழியாகவே நடைபெறவேண்டும் என்ற நிலையில், மொழி வேறுபாடு காரணமாகவும், பொருளாதரப் புறக்கணிப்பு காரணமாகவும், கிழக்குப் பாக்கிஸ்தான் மக்களிடையே எழுச்சி ஏற்பட்டது. தனிநாடு கோரிக்கை முன் வைக்கப்பட்டது.

1971-ம் ஆண்டு கிழக்கு பாகிஸ்தான் பகுதி இந்தியாவின் துணைக்கொண்டு வங்காள தேசம் என்ற நாடாக அறிவிக்கப்பட்டது. அதன்பின் 1973-ம் ஆண்டு ஜுலை 10-ந்தேதி இதற்கான தீர்மானம் பாகிஸ்தான் சட்டசபையில் நிறைவேற்றப்பட்டது.

You might also like

Leave A Reply

Your email address will not be published.

nine + sixteen =

*