;
Athirady Tamil News

புலிகளை பயன்படுத்தி தமிழர்களை ஏமாற்றுகிறார்கள்!- யாழில் நாமல்..!! (வீடியோ)

0

நல்லாட்சி அரசாங்கத்தினர் விடுதலை புலிகளை பற்றி பேசி தமிழர்களின் வாக்குகளை பெற முயற்சிக்கிறார்களே தவிர, தமிழர்களுக்கான அபிவிருத்தியில் கவனம் செலுத்துவதாக இல்லை என, முன்னாள் ஜனாதிபதி மஹிந்த ராஜபக்ஷவின் புதல்வரும் நாடாளுமன்ற உறுப்பினருமான நாமல் ராஜபக்ஷ தெரிவித்துள்ளார்.

யாழ். ஊடக அமையத்தில் இன்று (புதன்கிழமை) இடம்பெற்ற ஊடக சந்திப்பொன்றில் கலந்துக் கொண்டு உரையாற்றுகையிலேயே அவர் இவ்வாறு குறிப்பிட்டார்.

அங்கு தொடர்ந்து தெரிவித்த அவர், ”ஜனாதிபதி மைத்திரிபால சிறிசேன மற்றும் பிரதமர் ரணில் விக்ரமசிங்க ஆகியோர் நாட்டு மக்களின் பிரச்சினைகளை மூடி மறைக்கும் செயற்பாட்டையே முன்னெடுத்து வருகின்றனர்.

ஜனாதிபதியின் ஸ்ரீலங்கா சுதந்திரக் கட்சியின் பிரசாரக் கூட்டங்களின்போது சில சந்தர்ப்பங்களில் விடுதலைப் புலிகளின் கீதம் ஒலிப்பதைக் கேட்கக் கூடியதாக இருக்கும். இவ்வாறு விடுதலை புலிகளின் கீதத்தை ஒலிக்கவிடுவதன் மூலமும், அவர்கள் பற்றி பேசுவதன் மூலம் தமிழ் மக்களின் வாக்குகளை பெற்றுக்கொள்ள முடியும் என இவர்கள் எண்ணுகின்றனர்.

ஆனால், இவர்கள் ஒருவரேனும் தமிழர்களின் அபிவிருத்தி குறித்தோ, தமிழ் இளைஞர் யுவதிகளின் வேலைவாய்ப்பு குறித்தோ பேசியதாக இல்லை.

வடக்கின் அபிவிருத்தியை கருத்திற் கொள்ளாது இனவாதத்தின் மூலம் வாக்கை பெற்றுக் கொள்வதற்கே நல்லாட்சி அரசாங்கத்தினர் முயற்சிக்கின்றனர். இதனை மஹிந்த ராஜபக்ஷ ஒருபோதும் ஏற்க மாட்டார். மஹிந்த ராஜபக்ஷ, தெற்கின் அபிவிருத்தியை போன்று வடக்கின் அபிவிருத்தி குறித்தும் கவனம் செலுத்தினார். மஹிந்த ஆட்சிக்காலத்தில் முன்னெடுக்கப்பட்டதற்கு பின்னர் வடக்கில் எவ்வித அபிவிருத்திகளும் முன்னெடுக்கப்பட்டதாக இல்லை.

எனவே, நாம் இந்த நல்லாட்சி அரசாங்கத்திற்கு கூறுவது என்னவென்றால், வடக்கில் தயவுசெய்து இனவாதத்தை தூண்டி வாக்குகளை பெற முயற்சிக்காதீர்கள். வடக்கு மக்களுக்காக சேவையாற்றுங்கள், இளைஞர் யுவதிகளுடன் பேசி அவர்களின் பிரச்சினைகளுக்கு தீர்வை பெற்றுக் கொடுங்கள்” எனத் தெரிவித்தார்.

எமது நாட்டு பிரச்சனையை நாமே தீர்க்க வேண்டும். தரகர்கள் தேவையில்லை நாடாளுமன்ற உறுப்பினர் நாமல் ராஜபக்சே தெரிவித்துள்ளார்.

யாழ்.ஊடக அமையத்தில் இன்றைய தினம் நடைபெற்ற ஊடகவியலாளர் சந்திப்பின் போதே அவ்வாறு தெரிவித்தார்.

மேலும் தெரிவிக்கையில் ,

எமது நாட்டு பிரச்சனையை நாம் தான் தீர்க்க வேண்டும். அமேரிக்கா , இந்தியா என அந்த நாட்டு பரிந்துரைகளையும் , அவர்களின் சிபாரிசுகளையும் கொண்டு எமது நாட்டு பிரச்சனையை தீர்க்க முடியாது. அவர்களை நம்பி எந்த பயனும் இல்லை

எமது நாட்டு பிரச்சனையை எமது நாட்டில் வாழும் மக்கள் இணைந்தே தீர்க்க முடியும் என தெரிவித்தார்.

நாட்டில் சட்டம் ஒழுங்கு சீர்குழைந்து உள்ளது என
நாடாளுமன்ற உறுப்பினர் நாமல் ராஜபக்சே தெரிவித்துள்ளார்.

யாழ்.ஊடக அமையத்தில் இன்றைய தினம் நடைபெற்ற ஊடகவியலாளர் சந்திப்பின் போதே அவ்வாறு தெரிவித்தார்.

மேலும் தெரிவிக்கையில் ,

தெற்கில் துப்பாக்கி சூடுகள் நடாத்தப்படுகின்றது. வடக்கில் வாள் வெட்டுகள் நடாத்தபடுகின்றது. ஆனால் அதனை கட்டுப்படுத்த பொலிசார் நடவடிக்கைகளை எடுக்க வில்லை.

கடந்த சில தினங்களுக்குள் கொழும்பில் ஆறு பேர் சுட்டுப்படுகொலை செய்யபப்ட்டு உள்ளனர். கொலையாளிகள் தொடர்பில் எந்த தகவலும் இல்லை..

ஆனால் பொலிஸ் ஊடக பேச்சாளர் கொலையுண்டவர்கள் பற்றி பேசிக்கொண்டு இருக்கின்றார். அவர்களுக்கு அதனுடன் தொடர்பு இதனுடன் தொடர்பு எத்தனை வழக்கு உள்ளது என கொலையுண்டவர்கள் பற்றியே பேசுகின்றார். கொலையாளிகள் பற்றி வாயே திறக்கின்றார்கள் இல்லை.

அதேபோலவே வடக்கில் வாள் வெட்டு சம்பவங்களை கட்டுப்படுத்த பொலிசார் நடவடிக்கை எடுக்காது இருக்கின்றார்கள் முன்னாள் ஜனாதிபதி மஹிந்த ராஜபக்சே வடக்கில் தமிழ் மக்களுக்கு சேவை செய்யவென தமிழ் பொலிசாரை பொலிஸ் சேவையில் இணைத்துக்கொண்டார். ஆனால் இந்த அரசாங்கம் எந்த நடவடிக்கையும் எடுக்க வில்லை.

தெற்கில் பாதாள உலக கோஷ்டிகள் வடக்கில் வாள் வெட்டுக்குழுக்கள் இவற்றை கட்டுப்படுத்த பொலிசார் எந்த நடவடிக்கையும் எடுக்காததால் நாட்டில் சட்டம் ஒழுங்கு என்பன சீர்குழைந்து உள்ளன

அரசாங்கத்தின் பங்காளி கட்சியே கூட்டமைப்பு

அரசாங்கத்தின் பங்காளி கட்சியாகவே தமிழ் தேசிய கூட்டமைப்பு தொடர்ந்து செயற்பட்டு வருகின்றது என நாடாளுமன்ற உறுப்பினர் நாமல் ராஜபக்சே தெரிவித்துள்ளார்.

யாழ்.ஊடக அமையத்தில் இன்றைய தினம் நடைபெற்ற ஊடகவியலாளர் சந்திப்பின் போதே அவ்வாறு தெரிவித்தார்.

மேலும் தெரிவிக்கையில் ,

தமிழ் தேசிய கூட்டமைப்பு எதிர்க்கட்சி எனும் பெயரில் அரசின் பங்காளி கட்சியாகவே தொடர்ந்து செயற்பட்டு வருகின்றது. எதிர்க்கட்சியாக இருந்து வடக்கு மக்களுக்கோ தெற்கு மக்களுக்கோ எதனையும் செய்யவில்லை.

தமிழ் தேசிய கூட்டமைப்பின் தலைவர் இரா. சம்பந்தனிடம் தமிழ் இளைஞர்கள் வேலை வாய்ப்பு பெற்று தருமாறு கோரிய போது , தான் அரசாங்கத்திடம் வேலை வாய்ப்பு கோர மாட்டேன். அரசியல் தீர்வையே கோருவேன் என பதிலளித்து உள்ளார்.

ஆனால் இதுவரையில் தமிழ் மக்களுக்கு அவர் வேலை வாய்ப்புகளையோ , அரசியல் தீர்வையோ பெற்றுக்கொடுக்க வில்லை.

தொடர்ந்து தமிழ் மக்களை மாத்திரமன்றி நாட்டில் உள்ள அனைத்து இன மத மக்களையும் ஏமாற்றி வருகின்றார். இந்த நாட்டு மக்களுக்காக எதிர்கட்சியாக இருந்து எதனையும் பெற்றுக்கொடுக்க வில்லை. என தெரிவித்தார்.

You might also like

Leave A Reply

Your email address will not be published.

2 × three =

*