;
Athirady Tamil News

அலரி விதையை உண்டால் என்ன நடக்கும் என பரிசோதித்த குடும்பஸ்தர் ஒருவர் சிகிச்சை பயனின்றி உயிரிழந்துள்ளார்..!!

0

அலரி விதையை உண்டால் என்ன நடக்கும் என பரிசோதித்த குடும்பஸ்தர் ஒருவர் சிகிச்சை பயனின்றி உயிரிழந்துள்ளார்.

வலிகாமம் பகுதியை சேர்ந்த மூன்று பிள்ளைகளின் தந்தையே இவ்வாறு பரிதாபகரமாக உயிரிழந்துள்ளார்.

குறித்த சம்பவம் குறித்து மேலும் தெரியவருவதாவது,

கடந்த ஞாயிற்றுகிழமை வீட்டில் இருந்து வெளியே சென்ற குடும்பஸ்தர், மீண்டும் வீடு திரும்பியதும் வாந்தி எடுத்துள்ளார். அத்துடன் மிகுந்த சோர்வு நிலையிலும் இருந்துள்ளார்.

இது குறித்து அவரது மனைவி விசாரித்த போது, வரும் வழியில் அலரி விதையை உண்டதாகவும், அதனை சாப்பிட்டால் என்ன நடக்கும் என அறிவதற்காகவே அதனை சாப்பிட்டதாகவும் மனைவியிடம் கூறியுள்ளார்.

இதனை அடுத்து அவரது மனைவி, அவரை சிகிச்சைகளுக்காக யாழ்.போதனா வைத்திய சாலையில் அனுமதித்துள்ளார். எனினும், சிகிச்சை பயனின்றி அவர் உயிரிழந்துள்ளார்.

இந்தநிலையில் குறித்த மரணம் தொடர்பிலான மரண விசாரணைகளை யாழ்.போதனா வைத்தியசாலையின் திடீர் மரண விசாரணை அதிகாரி ந. பிரேம்குமார் மேற்கொண்டுள்ளார்.

You might also like

Leave A Reply

Your email address will not be published.

twenty − 12 =

*