;
Athirady Tamil News

பாத்தீனிய ஒழிப்பில் வலி கிழக்கு பிரதேச சபையும் யாழ். பல்கலையும் இணைவு..!! (படங்கள்)

0

வலிகாமம் கிழக்கு பிரதேசத்தில் பாத்தீனிய ஒழிப்பு முயற்சிகளுக்காக பிரதேச சபையும் யாழ்ப்பாண பல்கலைக்கழக திட்டமிடல் சமூகமும் இணைந்து செயலாற்ற ஆரம்பித்துள்ளன.
இதன் முயற்கட்ட முயற்சியாக இன்று திங்கட்கிழமை புத்தூர் நிலாவரைப் பகுதியிலேயே ஏராளமான பாத்தினியச் செடிகள் பக்குவமாக அகற்றப்பட்டு அழிக்கப்பட்டன.

வலிகாமம் கிழக்கு பிரதேச சபையின் எல்லைக்குள் பெரும்பாலான பொது இடங்களில் பாத்தீனிய செடியின் பரம்பல் அதிகரித்துக் காணப்படுகின்றது. இந்நிலையில் இதனை அகற்றுவதற்கான முயற்சியாக வலிகாமம் கிழக்குப் பிரதேச சபைத்தவிசாளர் தியாகராஜா நிரோஷ் யாழ்ப்பாணப் பல்கலைக்கழகத்தின் திட்டமிடல் மாணவர் சமூகத்தின் உதவியினை அச் சமூகத்தின் பெரும் பொருளாளரும் விரிவுரையாளருமான பிரதிபராஜா ஊடாக நாடியிருந்தார்.

இந் நிலையில் வலிகாமம் கிழக்குப் பிரதேச சபையின் எல்லைக்குள் இருக்கின்ற பாத்தீனிய ஒழிப்பினை மேற்கொள்வதற்கு மாணவர்களும் விருப்பம் தெரிவித்தியருந்தனர். இதன் பின்னர் உரிய முறைப்படி பீடாதிபதிகள், யாழ் பல்கலைக்கழக துணைவேந்தர் ஆகியோரின் வரவேற்புடனேயே இச் செயற்றிட்டத்தில் மாணவர்கள் பங்கெடுத்துள்ளனர்.

இச் செயற்றிட்டத்தினை எதிர்காலத்தில் தொடாந்து முன்னெடுப்பதற்கான முயற்சிகளையும் வலிகாமம் கிழக்குப் பிரதேச சபையின் தவிசாளரும் யாழ்பல்கலைக்கழக திட்டமிடல் சமூகமும் முன்னெடுக்கவுள்ளன.

இன்று வெள்ளிக்கிழமை நடைபெற்ற பாத்தீனிய ஒழிப்பில் சுமார் 86 பல்கலைக்கழக மாணவ மாணவியரும் வலிகாமம் கிழக்கு பிரதேச சபையின் உறுப்பினர்கள், பிரதேச சபையின் அதிகாரிகள், பணியாளர்கள் எனப் பலரும் கலந்து கொண்டமை குறிப்பித்தக்கது.

You might also like

Leave A Reply

Your email address will not be published.

five × three =

*