;
Athirady Tamil News

யாழ். சிறுமி ரெஜினா கொலை விவகாரம்: சாட்சியங்களை முன்னிலைப்படுத்துமாறு உத்தரவு..!!

0

யாழ். சுழிபுரம் பகுதியில் கொலை செய்யப்பட்ட சிறுமி ரெஜினாவின் வழக்குடன் தொடர்புடைய சாட்சியாளர்களை நீதிமன்றில் முன்னிலைப்படுத்துமாறு மல்லாகம் நீதவான் உத்தரவிட்டுள்ளார்.

அத்துடன் இச்சம்பவத்தில் கைது செய்யப்பட்ட மூவரையும் தொடர்ந்தும் விளக்கமறியலில் வைக்குமாறும் நீதவான் உத்தரவிட்டுள்ளார்.

குறித்த வழக்கு விசாரணையானது இன்று மல்லாகம் நீதவான் நீதிமன்றத்தில், நீதவான் ஏ.ஏ.ஆனந்தராஜா முன்னிலையில் விசாரணைக்கு எடுத்துக் கொள்ளப்பட்டது.

இதன்போது வழக்கின் இரண்டாம் சாட்சியமான 10 வயது சிறுமியையும், 7 வயது சிறுவனையும் நீதிமன்றில் முற்படுத்துமாறு நீதவான் உத்தரவிட்டார்.

மேலும், வட்டுக்கோட்டை பொலிஸ் நிலைய பொறுப்பதிகாரியையும் விசாரணை அதிகாரிகளையும் எதிர்வரும் 31ஆம் திகதி வௌ்ளிக்கிழமை நீதிமன்றில் ஆஜராகுமாறு நீதவான் உத்தரவிட்டார்.

அத்துடன் சம்பவம் தொடர்பில் கைது செய்யப்பட்டுள்ள மூன்று சந்தேகநபர்களையும் எதிர்வரும் 4ஆம் திகதி வரை தொடர்ந்தும் விளக்கமறியலில் வைக்குமாறும் மல்லாகம் நீதவான் உத்தரவிட்டுள்ளார்.

யாழ். சுழிபுரம் காட்டுப்புலம் பகுதியில் 6 வயதான சிவனேஸ்வரன் ரெஜினா கொலை செய்யப்பட்ட நிலையில், கடந்த ஜூன் மாதம் 25ஆம் திகதி பாழடைந்த கிணற்றிலிருந்து அவரது சடலம் கண்டெடுக்கப்பட்டமை குறிப்பிடத்தக்கது.

You might also like

Leave A Reply

Your email address will not be published.

fifteen + 19 =

*