;
Athirady Tamil News

அமெரிக்காவில் 1833 பேரை பலிவாங்கிய காத்ரீனா புயல் லூசியானாவில் நிலைகொண்டது: 29-8-2005..!!

0

அமெரிக்க வரலாற்றில் மோசமான பாதிப்பை ஏற்படுத்திய புயல் காத்ரீனா. 2005-ம் ஆண்டு ஆகஸ்ட் 23-ம் தேதி பஹாமாசில் உருவான இந்தப் புயல், வளைகுடா கரையோரப் பகுதியின் வடமத்திய பகுதிகள் அனைத்தையும் மோசமாகப் பாதித்தது. லூசியானாவில் நியூ ஓர்லியன்ஸ் பகுதிதான் அதிகம் பாதிப்புக்குள்ளானது. மிசிசிப்பியின் கரையோரப் பகுதிகளிலும் பலத்த சேதத்தை ஏற்படுத்தியது.

இந்த புயல் தெற்கு புளோரிடாவை கடந்தபோது இதன் தாக்கம் அதிகமாக இல்லை. இருப்பினும் சில உயிரிழப்புகளும் கனமழையால் வெள்ளப் பெருக்கும் ஏற்பட்டன. ஆனால், மெக்சிகோ வளைகுடாவைத் தாண்டியபோது அதன் தாக்கம் மிக தீவிரமாக இருந்தது. ஆகஸ்ட் 29-ம் தேதி லூசியானாவில் நிலைகொண்டபோது அங்கு நிலச்சரிவுகள் ஏற்பட்டன.

இந்த புயலின் கோரத் தாண்டவத்தில் 1,833 பேர் இறந்ததாக உறுதி செய்யப்பட்டுள்ளது. அமெரிக்க வரலாற்றில் 1928ம் ஆண்டில் இடம்பெற்ற சூறாவளிக்கு அடுத்தபடியாக இதுவே மிகவும் பாதிப்பை ஏற்படுத்திய சூறாவளியாகும். 108 பில்லியன் டாலர் அளவுக்கு சேதம் ஏற்பட்டுள்ளது.

You might also like

Leave A Reply

Your email address will not be published.

three × 1 =

*