;
Athirady Tamil News

வழங்கப்பட்ட வீடு ஏமாற்றமளிக்கிறது. கஜனின் சகோதரி கவலை..!! (படங்கள்)

0

.
கடந்த 2016 ஆம் ஆண்டு யாழ்ப்பாணம் கொக்குவில் பகுதியில் இடம்பெற்ற பொலீஸாரின் துப்பாக்கி பிரயோகத்தில் கொல்லப்பட்ட இரண்டு யாழ் பல்கலை கழக மாணவர்களின் ஒருவரான கிளிநொச்சி பாரதிபுரத்தைச் சேர்ந்த நடராஜா கஜனின் குடும்பத்தினருக்கு மீள்குடியேற்றம் புனர்வாழ்வு அமைச்சினால் 13 இலட்சத்து 50 ரூபா நிதி ஒதுக்கீட்டில் புதிய வீடு ஒன்று அமைக்கப்பட்டு நேற்று (29-08-2018) வழங்க்ப்பட்டுள்ளது.

குறித்த வீடு இராணுவத்தினரால் அமைத்து வழங்கப்பட்டுள்ளது. கட்டுமானப் பணிகளில் பல குறைபாடுகள் காணப்படுகின்றன. வீட்டின் அத்திபாரம் கஜனின் தாயார் இரண்டு இலட்சம் ரூபா தனது பணத்தை செலவு செய்து கட்டியது என்றும், அத்தோடு வீட்டின் லிண்டர் வரையான கட்டுமானப் பணிகளை ஊரில் உள்ள மேசன் ஒருவரை மேற்கொண்டார் எனவும், அதன் பின்னரான கட்டுமானப் பணிகளையே இராணுவத்தினர் மேற்கொண்டனர் என்றும் தெரிவிக்கும் கஜனின் குடுத்தினர்.

கஜனின் தாயாருக்கு அதிகாரிகளின் அழுத்தம் காரணமாகவே வீடு இவ்வாறான ஒரு அமைப்பில் வடிவமைக்கப்பட்டது என்றும் குறிப்பிடுகின்றனர்.

அத்தோடு வீட்டில் பல பகுதிகள் பூசப்படாது காணப்படுவதோடு, வெடிப்புக்களும் காணப்படுகின்றன. மேலும் வீட்டின் நிலம் கூட சீமெந்து கொண்டு சீராக பூசப்படவுமில்லை இதனை தவிர பின் பக்கம் ஜன்னல்களுக்கு கதவுகள் பொருத்தப்படவில்லை இவ்வாறு பல குறைபாடுகள் காணப்படுகின்றன.

சாதரணமாக பொது மக்களுக்கு வீட்டுத்திட்டங்கள் வழங்கப்படுகின்ற எட்டு இலட்சம் ரூபா பெறுமதியான வீடுகளை கூட அவர்கள் மிகவும் நேர்த்தியாக அமைக்கின்ற போது தங்களது வீட்டுக்கு 13 இலட்சத்து 50 ஆயிரம் அரசின் நிதியும் அத்திபாரத்திற்கு எங்களது நிதி இரண்டு இலட்சம் என 15 இலட்சத்து 50 ரூபா செலவு செய்யப்பட்டுள்ளது.எனக் குடும்பத்தினர் தெரிவிக்கப்படுகின்றனர்.

எனவே இதன் மூலம் தனது தாயார் ஏமாற்றப்பட்டுவிட்டதாகவும், தம்பியின் மரணத்தின் போது எங்களுக்கு வேலைவாய்ப்பு, வீட்டுத்திட்டம், உட்பட பல உதவிகள் மேற்கொள்ளப்படும் என வாக்குறுதிகள் அளிக்கப்பட்ட போதும் அவை நிறைவேற்றப்படவில்லை வழங்கப்பட்ட வீடும் திருப்தியி்லலை என்றும் கஜனின் சகோதரி தெரிவித்தார்.

“.அதிரடி” இணையத்தின் கிளிநொச்சி செய்தியாளர் கிளியூர் சேரன்

You might also like

Leave A Reply

Your email address will not be published.

18 + twelve =

*