;
Athirady Tamil News

பாகிஸ்தானில் துணிகரம் – அவாமி தேசிய கட்சி பிரமுகர் சுட்டுக் கொலை..!!

0

பாகிஸ்தானில் உள்ள அவாமி தேசிய கட்சியை சேர்ந்தவர் மொகமது இப்ரார் கலீல். இவர் இன்று பெஷாவர் மாகாணத்தில் டெக்கால் பகுதியில் தனது உறவினர்களுடன் காரில் சென்று கொண்டிருந்தார்.

அப்போது பைக்கில் அங்கு வந்த மர்ம நபர்கள் சிலர் கலீலை நோக்கி துப்பாக்கியால் சரமாரியாக சுட்டனர். இதில் அவர் படுகாயம் அடைந்தார்.

காயமடைந்த அவரையும், உறவினர் அர்ஷத்தையும் மருத்துவமனையில் சேர்க்க கொண்டு சென்றனர். ஆனால் கொண்டு செல்லும் வழியிலேயே இறந்தனர்.

தகவலறிந்த போலீசார் சம்பவ இடத்துக்கு விரைந்து சென்று விசாரணை நடத்தினர். கொலைக்கான காரணம் குறித்து விசாரணை நடத்தி வருகின்றனர்.

பெஷாவரில் பட்டப்பகலில் அவாமி தேசிய கட்சி பிரமுகர் சுட்டுக் கொல்லப்பட்டது அதிர்ச்சியை ஏற்படுத்தியுள்ளது.

கடந்த ஜூலையில் நடைபெற்ற தற்கொலைப்படை தாக்குதலில் அவாமி தேசிய கட்சி பிரமுகர் ஹரூண் பிலோர் உள்பட12 பேர் பலியானது குறிப்பிடத்தக்கது.

You might also like

Leave A Reply

Your email address will not be published.

2 + seven =

*