;
Athirady Tamil News

லண்டனில் கைது செய்யப்பட்ட, நாடுகடந்த தமிழீழ அரசாங்கத்தின் எம்.பி சற்றுமுன்னர் விடுவிப்பு..! (படங்கள்)

0

லண்டனில் கைது செய்யப்பட்ட, நாடுகடந்த தமிழீழ அரசாங்கத்தின் எம்.பி சற்றுமுன்னர் விடுவிப்பு..! (படங்கள்)

இலங்கை பிரதமர் ரணில் விக்கிரம சிங்கவுக்கு எதிராக எதிர்ப்பு ஆர்ப்பாட்டத்தில் ஈடுபட்ட நாடு கடந்த தமிழீழ அரசாங்கத்தின் நாடாளுமன்ற உறுப்பினர் சொக்கலிங்கம் யோகலிங்கம் (பாபு) உட்பட அதன் செயற்பாட்டாளர்கள் மூவர் பிரித்தானிய பொலிசாரால் நேற்று இரவு கைது செய்யப்பட்டு இருந்தது தெரிந்ததே.

சிறிலங்கா உயர்தானிகர் ஒருவர் வழங்கிய தகவலின் அடிப்படையிலேயே பிரித்தானிய பொலிஸார் இந்த கைது நடவடிக்கையை மேற்கொண்டு இருந்ததாக தெரிய வருகின்றது.

லண்டன் வந்துள்ள பிரதமர் ரணில் விக்கிரமசிங்க நேற்று மாலை ஒக்ஸ்போர்ட் யூனியனில் உரையாற்றினார். இதனை எதிர்த்து நாடு கடந்த தமிழீழ அரசாங்கத்தின் ஏற்பாட்டில் ஒக்ஸ்போர்ட் யூனியனுக்கு முன்னாள் பாரிய எதிர்ப்பு ஆர்ப்பாட்டம் ஒன்று நடத்தப்பட்டது.

இந்நிலையில் ஆர்ப்பாட்டத்தில் ஈடுபட்டவர்கள் விடுதலைப் புலிகளின் கொடியினை ஏந்தியபடி ‘தமிழின படுகொலை சிங்கள பிரதமரே வெளியேறு’ என்றவாறு கோசமெழுப்பி ஆர்ப்பாட்டத்தில் ஈடுபட்டனர்.
இதனையடுத்து பிரித்தானிய பொலிஸாரும் புலிக்கொடிகளை ஏந்தியவாறு ஆர்ப்பாட்டத்தில் ஈடுபட்டிருந்தவர்களை கைது செய்து இருந்தனர்.

இவர்கள் சற்றுமுன்னர் விடுவிக்கப்பட்டு உள்ளதாக தெரிய வருகிறது.

You might also like

Leave A Reply

Your email address will not be published.

3 × five =

*