;
Athirady Tamil News

அமெரிக்காவில் கட்டிடத்தின் மீது விமானம் மோதிய விபத்தில் இருவர் பலி..!!

0

அமெரிக்காவின் புளோரிடா மாநிலத்தில் உள்ள ஃபோர்ட் லாடெர்டேல் விமான நிலையத்தில் இருந்து நேற்று அம்மாநிலத்தின் வடக்கு பகுதியில் உள்ள ஹில்லியார்ட் நகரை நோக்கி நேற்று பிற்பகல் ஒரு செஸ்னா 335 ரக சிறிய விமானம் புறப்பட்டு சென்றது.

சிறிது தூரம் சென்றதும் வழியில் நிலைதடுமாறி, மிகவும் தாழ்வாக பறந்த அந்த விமானம் ஃபோர்ட் லாடெர்டேல் நகரில் மனஇறுக்கம் (ஆட்டிசம்) நோயால் பாதிக்கப்பட்ட குழந்தைகளுக்கான பயிற்சி மையம் அமைந்துள்ள ஒரு கட்டிடத்தின்மீது பயங்கரமாக மோதியது.

இந்த விபத்தில் விமானம் முழுவதும் தீபிடித்து எரிந்து சாம்பலானது. அதில் இருந்த விமானி மற்றும் ஒரு பயணி இருவரும் சம்பவ இடத்திலேயே கருகி உயிரிழந்தனர். அந்த கட்டிடத்தின் சிறிய பகுதியும் தீயால் நாசமடைந்தது. அங்கிருக்கும் பயிற்சி மையத்தை சேர்ந்த ஒரு ஆசிரியர் இந்த விபத்தில் காயமடைந்தார்.

You might also like

Leave A Reply

Your email address will not be published.

13 − two =

*