;
Athirady Tamil News

வெனிசுலாவில் கடும் மின் தட்டுப்பாடு: டயாலிசிஸ் செய்ய முடியாமல் 15 சிறுநீரக நோயாளிகள் பலி..!!

0

வெனிசுலாவில் நிகோலஸ் மதுரோ அதிபராக இருக்கிறார். இவருக்கு மக்களிடம் எதிர்ப்பு உள்ளது. எனவே எதிர்க்கட்சி தலைவர் ஜுயான் கொய்டோ தன்னை இடைக்கால அதிபராக அறிவித்து கொண்டார்.

அவருக்கு அமெரிக்கா உள்ளிட்ட 50-க்கும் மேற்பட்ட நாடுகள் ஆதரவு தெரிவித்துள்ளன. இதனால் வெனிசுலாவில் அரசியல் ஸ்திரமற்ற சூழ்நிலை நிலவுகிறது. வெனிசுலா மீது அமெரிக்கா பொருளாதாரத் தடை விதித்துள்ளது.

அதன் காரணமாக வெனிசுலாவில் பொருளாதாரம் மிகவும் சரிந்துள்ளது. அத்தியாவசிய உணவு பொருட்கள் கிடைக்கவில்லை. மின்சார உற்பத்தியிலும் தடங்கல் ஏற்பட்டுள்ளது.

இதனால் நாட்டின் பெரும்பாலான பகுதிகள் மின்சாரம் இன்றி இருளில் மூழ்கி கிடக்கின்றன. குறிப்பாக மேற்கு மாகாணங்களான பரினாஸ், தசீரா, ஷூலியா உள்ளிட்ட பகுதிகளில் மின்சாரம் இல்லை. கராகஸ், மிராண்டா, வர்காஸ் ஆகிய மாகாணங்களில் மின்சாரம் விட்டுவிட்டு வருகிறது.

இங்குள்ள சர்வதேச விமான நிலையங்கள், உள்ளூர் மெயின் விமான நிலையங்கள் பெரிதும் பாதிக்கப்பட்டுள்ளன.

கோப்புப்படம்

மின் தட்டுப்பாடு காரணமாக சிறுநீரக நோயாளிகளுக்கு டயாலிசிஸ் சிகிச்சை அளிக்க முடியவில்லை. இதனால் கடந்த 2 நாட்களில் 15 சிறுநீரக நோயாளிகள் உயிரிழந்துள்ளனர். இந்த தகவலை சுகாதாரத்துறை தெரிவித்த்துள்ளது.

மேலும், ‘‘வெனிசுலாவில் 10,200-க்கும் மேற்பட்ட சிறுநீரக நோயாளிகள் டயாலிசிஸ் சிகிச்சை பெற்று வருவதாகவும் மின் தட்டுப்பாட்டினால் அவர்கள் உயிருக்கும் ஆபத்து ஏற்படும் சூழல் உருவாகி உள்ளது’’ என்று கூறியுள்ளது.

You might also like

Leave A Reply

Your email address will not be published.

18 − nine =

*