;
Athirady Tamil News

என்னிடம் நிதி அமைச்சை ஒப்படையுங்கள் நாட்டில் நிதி நெருக்கடி இருக்காது!

0

தன்னிடம் நிதி அமைச்சை ஒப்படைத்தால் நாட்டில் நிதி நெருக்கடி இருக்காது என அமைச்சர் தயா கமகே தெரிவித்துள்ளார்.

தற்போதைய நிதி அமைச்சு பயனற்றது என குற்றம் சுமத்திய அவர், எனவே தன்னிடம் நிதி அமைச்சு ஒப்படைக்கப்பட்டால் நாட்டின் பொருளாதாரத்தை உயர்த்தி காட்டுவதாகவும் அவர் கூறினார்.

5 ஆயிரம் சமுர்த்தி மேம்பாட்டு அதிகாரிகளுக்கு நியமனக் கடிதங்களை வழங்கும் நிகழ்வு இன்று (15) அலரி மாளிகையில் நடைபெற்றது.

பிரதமர் ரணில் விக்கிரமசிங்க தலைமையில் நடைபெற்ற இந்த நிகழ்வில் உரையாற்றிய போதே அவர் இதனை கூறினார்.

தொடர்ந்தும் உரையாற்றிய அவர், தான் ஒரு போதும் நிதியில்லை என கூறி வேலை செய்யாமல் விட்டதில்லை எனவும் குறிப்பிட்டார்.

நிதியை தேடுவதில் உள்ள சிரமங்களை நன்கறிந்துள்ளதால், பணத்தை வீணாக செலவழிக்க போவதில்லை எனவும் அவர் கூறினார்.

இந்த நியமனம் வழங்கும் நிகழ்வில் அமைச்சர்களான வஜிர அபேவர்தன, பி. ஹாரிசன் ஆகியோர் கலந்து கொண்டனர்.

You might also like

Leave A Reply

Your email address will not be published.

10 − nine =

*