;
Athirady Tamil News

ஜப்பான் பிரதமர் ஹரா தகாஷி படுகொலை செய்யப்பட்ட தினம்: 04-11-1921..!!

0

ஜப்பான் பிரதமர் ஹரா தகாஷி 1921-ம் ஆண்டு இதே தேதியில் டோக்கியோ நிலையத்தில் வைத்து படுகொலை செய்யப்பட்டார். இவர் 1918-ம் ஆண்டில் இருந்து படுகொலை செய்யப்படும்வரை பிரதமர் பதவியில் இருந்தார்.

இதே தேதியில் நடந்த முக்கிய நிகழ்வுகள்:-

1333 – ஆர்னோ ஆறு பெருக்கெடுத்து வெள்ளம் பரவியதில் இத்தாலியின் புளோரென்ஸ் நகரில் பெரும் சேதம் ஏற்பட்டது.
1576 – ஸ்பானியப் படைகள் பெல்ஜியத்தின் ஆண்ட்வேர்ப் நகரை கைப்பற்றியது. மூன்று நாட்களில் இந்நகரம் பெரிதும் சேதப்படுத்தப்பட்டது.
1861 – வாஷிங்டன் பல்கலைக்கழகம் ஆரம்பிக்கப்பட்டது.
1869 – அறிவியல் இதழ் நேச்சர் முதற்தடவையாக வெளியிடப்பட்டது.
1914 – பிரித்தானியாவும் பிரான்சும் துருக்கியுடன் போரை அறிவித்தன.
1918 – முதலாம் உலகப் போர்: இத்தாலியிடம் ஆஸ்திரியா- ஹங்கேரி அரசு சரணடைந்தது.
1918 – 40,000 கடற்படையினர் கீல் துறைமுகத்தைக் கைப்பற்றியதையடுத்து ஜெர்மானியப் புரட்சி தொடங்கியது.
1956 – அக்டோபர் 23-ல் ஆரம்பமான ஹங்கேரியப் புரட்சியை முறியடிக்க சோவியத் படைகள் ஹங்கேரியை முற்றுகையிட்டன. ஆயிரக்கணக்கான ஹங்கேரியர்கள் கொல்லப்பட்டு லட்சக்கணக்கானோர் நாட்டை விட்டு வெளியேறினர்.
1966 – இத்தாலியின் புளோரென்ஸ் நகரத்தின் மூன்றில் இரண்டு பகுதி வெள்ளப் பெருக்கில் அழிந்தது. 113 பேர் கொல்லப்பட்டனர். பல பெறுமதியான ஓவியங்களும் நூல்களும் அழிந்தன.
1979 – ஈரானியத் தீவிரவாதிகள் டெஹ்ரானில் அமெரிக்கத் தூதரகத்தை முற்றுகையிட்டு 53 அமெரிக்கர்கள் உட்பட 90 பேரை பணயக்கைதிகளாகப் பிடித்தனர்.
1984 – நிகராகுவாவில் இடம்பெற்ற தேர்தல்களில் சண்டினீஸ்டா முன்னணி வெற்றி பெற்றது.
1995 – இஸ்ரேலியப் பிரதமர் இட்சாக் ரபீன் தீவிரவாத வலதுசாரி இஸ்ரேலியரால் சுட்டுக் கொல்லப்பட்டார்.
2004 – ஐவரி கோஸ்டில் இடம்பெற்ற உள்நாட்டுப் போரில் 12 பிரெஞ்சுப் படையினர் மற்றும் 3 ஐநா கண்காணிப்புக் குழு உறுப்பினர்கள் உட்பட நூற்றுக்கணக்கானோர் கொல்லப்பட்டனர்.

You might also like

Leave A Reply

Your email address will not be published.

19 + 7 =

*