;
Athirady Tamil News

உள்ளூராட்சி சபைகளை உடனே கூட்டி உணவுகளை வழங்க விரைந்து நடவடிக்கை எடுக்க வேண்டும்!!

0

உள்ளூராட்சி சபைகளை உடனே கூட்டி சபை நிதிகளை பெற்று சபையின் ஆளுகைக்குள் வசிக்கும் வறிய மக்களுக்கு உலர் உணவுகளை வழங்க வழங்க விரைந்து நடவடிக்கை எடுக்க வேண்டும் என முற்போக்கு தமிழ் தேசிய கட்சியின் செயலாளர் சுதர்சிங் விஜயகாந்த் தெரிவித்துள்ளார்.

அது தொடர்பில் மேலும் ஊடகங்களுக்கு தெரிவிக்கையில் ,

யாழ்.மாநகர சபை உறுப்பினராக நான் இருந்த கால கட்டத்தில் அன்றைய முதல்வரான யோகேஸ்வரி பற்குணராசா தலைமையில் கிழக்கு மாகாணத்தில் வெள்ள அனர்த்தம் ஏற்பட்ட போது , யாழ்.மாநகர மக்கள் சார்பாக, சபை நிதியில் இருந்து நன்கொடை வழங்கினோம். அதேபோல தென்மாகாண மக்களுக்கும் நன்கொடைகள் வழங்கி இருந்தோம்.

அந்த வகையில் ஏனைய மாகாணங்களுக்கு எங்களுடைய சபையால் நிதி வழங்க சட்ட ஏற்பாடுகள் இருக்கும் போது , எமது சபையின் ஆளுகைக்கு உட்பட்ட மக்கள் குறிப்பாக கடற்தொழில் செய்யும் சாதாரண தொழிலாளிகள் தற்போதைய நிலையில் பெரும் பாதிப்பை எதிர்கொண்டு உள்ளனர்.

அதேபோன்று கட்டட தொழிலாளிகள் உள்ளிட்ட உழைக்கும் வர்க்கத்தினர் இன்றைய சூழலில் அவர்கள் வாழ்வாதாரத்திற்கு நெருக்கடிகளை எதிர்நோக்கி இருக்கின்றனர். அவர்களுக்கு சபை நிதியில் இருந்து உதவ முடியும்.

எனவே மாநகர சபை மாத்திரமின்றி யாழ்.மாவட்டத்தில் உள்ள உள்ளூராட்சி உறுப்பினர்கள் இது தொடர்பில் கரிசனை கொண்டு சபையின் நிதியினை கொண்டு உழைக்கும் வர்க்கத்திற்கு உங்களுடைய உதவிகளை செய்ய வேண்டும்.

ஒவ்வொரு உள்ளூராட்சி தலைவர்கள், உறுப்பினர்கள் இதற்கு கட்சி பேதமின்றி மக்களுக்கு சேவை செய்ய வேண்டும் எனும் சிந்தனையில் ஒன்றிணைந்து உதவ முன்வர வேண்டும்.

நாளை காலை ஊரடங்கு தளர்த்தப்பட்டு மதியம் மீண்டும் அமுலுக்கு வரவுள்ளது. மீண்டும் அமுலுக்கு வரவுள்ள ஊரடங்கு வெள்ளிக்கிழமை காலை வரையில் நீடிக்கும். எனவே இக் கால பகுதியில் உழைக்கும் வர்க்கத்தினர் பெரும் சாவல்களை எதிர்நோக்கி உள்ளனர். அவர்களுக்கு குறைந்த பட்சம் ஐந்தாயிரம் ரூபாய் பெறுமதியான உலர் உணவு பொதிகளையாவது வழங்க முன் வர வேண்டும்.

யாழ்.மாநகர சபை உறுப்பினர்களுக்கு வருடாந்திரம் தலா 40 இலட்ச ரூபாய் அவர்களின் வட்டார அபிவிருத்திக்கு என ஒதுக்கப்படும். எனவே அனைத்து உறுப்பினர்களும் ஒரு புரிந்துணர்வுக்கு வந்து மாநகர சபை கூட்டப்பட்டு உடனடியாக மக்களுக்கு சேவை செய்ய நிதி ஒதுக்கீடு செய்ய முன்வரவேண்டும்.

மாநகர சபை மாத்திரமின்றி ஏனைய உள்ளூராட்சி சபைகளும் விரைந்து செயற்பட வேண்டும். எனவே கட்சி வேறுபாடு இன்றி கட்சியின் சுய நலன்களை பாராது சபைகளை கூட்டி உடனடியாக நடவடிக்கைகளை எடுங்கள்.

சபை கூட்ட அவர்கள் தயார் இல்லை எனில் வாக்காளர்கள் ஆனா இளைஞர் யுவதிகள் உங்கள் வட்டார உறுப்பினர்களுக்கு அழுத்தம் கொடுத்து சபையை கூட்டி விரைந்து நடவடிக்கை எடுக்க வைக்க வேண்டும்.

இலங்கையில் முன்னுதராமாக யாழ்.மாநகர சபை விரைந்து நடவடிக்கை எடுக்க வேண்டும். எனவே உடனே சபையை கூட்டி உறுப்பினர்களின் பங்களிப்புடன் நடவடிக்கை எடுக்க வேண்டும்.

முற்போக்கு தமிழ் தேசிய கட்சி உறுப்பினரான மாநகர சபை உறுப்பினர் தனக்கு ஒதுக்கப்படும் 40 இலட்சத்தையோ அல்லது 20 இலட்ச ரூபாயை இந்த நிவாரண பணிக்கு ஒதுக்க நாம் தயாராக உள்ளோம்.

எனவே மக்கள் பிரதிநிதிகள் உடனே விரைந்து நடவடிக்கையில் இறங்கி இலங்கையில் முன்னுதாரணமாகம செயற்பட வேண்டும். உள்ளூராட்சி சட்ட விதிகளுக்கு ஏற்ப நிச்சயமாக இதனை செய்ய முடியும். என தெரிவித்தார்.
“அதிரடி” இணையத்துக்காக யாழில் இருந்து “கலைநிலா”

பொதுமக்களுக்கு விடுக்கப்பட்டுள்ள அறிவித்தல்!!

இராணுவத்தளபதி விடுத்துள்ள வேண்டுகோள்!!

கொரோனா வைரஸ் நோய், ‘தனிமைப்படுத்தற்குரிய நோய்’ என பிரகடனம்!!

வடக்கு மாகாணத்தில் செவ்வாய்வரை ஊரடங்கு நீடிப்பு!!

வடபகுதி நோக்கி அழைத்து செல்லப்படும் கொரோனா தொற்று சந்தேகநபர்கள்!! (படங்கள்)

அனுராதபுரம் சிறைச்சாலையில் துப்பாக்கி பிரயோகம் – ஒருவர் பலி!! (படங்கள்)

அம்பாறையில் ஊரடங்கு சட்டம் அமுல் – பொலிசார் இராணுவத்தினர் பாதுகாப்பு!! (படங்கள்)

கேப்பாப்பிலவு விமானப் படைத்தளத்தில் தனிமைப்படுத்தல் மையம்! – 41 பேர் அழைத்துவரப்பட்டனர்!!

ஊரடங்குச் சட்டம் நீடிப்பு! – அரசாங்கம் முக்கிய அறிவிப்பு!!

கொரோனா வைரஸ் பரவலை தடுக்க பொதுமக்களுக்கான வேண்டுகோள் !!

பொலிஸ் ஊரடங்கு சட்ட விதிமுறைகளை மீறிய 9 பேர் கைது!!

கொரோனா தொற்று: உலகளாவிய ரீதியில் பலி எண்ணிக்கை​ 10 ஆயிரத்தைத் தாண்டியது!!

யாழ் மாவட்டத்துக்கான கொரோனா தனிமைப்படுத்தல் நிலையம் கொடிகாமத்தில்..!!

யாத்திரைகள் மற்று சுற்றுலா நடவடிக்கைகளுக்கு மறு அறிவித்தல் வரை தடை!!

கொரோனா வைரஸ் பரவலுக்கான பிரதான காரணம் இதுதான்!!

வவுனியாவில் கொரோனா வைரஸ் தொற்று தொடர்பில் விழிப்புணர்வு!! (படங்கள்)

முழு இலங்கைக்கும் ஊரடங்குச் சட்டம் அமுல்படுத்தப்படும்!!

ஜா-எல, வத்தளை பொலிஸ் பிரிவுக்குட்பட்ட பகுதிகளில் பொலிஸ் ஊரடங்குச் சட்டம்!!

புத்தளம், கொச்சிக்கடை பொலிஸ் பிரிவுக்கான ஊரடங்கு சட்டம் தொடர்கிறது!!

தொலைத் தொடர்பாடல் சேவைகளை அத்தியாவசிய சேவையாகப் பிரகடனம்!!

தேசிய இரத்த வங்கியின் குருதி இருப்பில் பற்றாக்குறை!!

You might also like

Leave A Reply

Your email address will not be published.

three × 1 =

*