;
Athirady Tamil News

10 இளைஞர்கள் சாவகச்சேரி பொலிஸாரால் கைது!!

0

நாவற்குழி பகுதியில் ஊரடங்கு சட்டத்தை மீறினார்கள் எனும் குற்றசாட்டில் 10 இளைஞர்கள் சாவகச்சேரி பொலிஸாரால் கைது செய்யப்பட்டனர். அவர்கள் அனைவரும் பொலிஸ் பிணையில் விடுவிக்கப்பட்டதுடன், சாவகச்சேரி நீதிமன்றில் முன்னிலையாகுமாறு திகதியும் வழங்கப்பட்டுள்ளது.

நாடுமுழுவதும் இன்றும் நாளையும் ஊரடங்கு சட்டம் நடைமுறையில் உள்ள நிலையில் நாவற்குழி பகுதியில் உள்ள மைதானம் ஒன்றில் இளைஞர்கள் விளையாடிக்கொண்டு இருந்த போது , பொலிஸாரினால் கைது செய்யப்பட்டனர்.

கைது செய்யப்பட்ட 10 இளைஞர்களையும் பொலிஸ் நிலையத்திற்கு கொண்டு சென்ற பொலிஸார், மேலதிக விசாரணைகளை மேற்கொண்ட பின்னர் இளைஞர்களை கடுமையாக எச்சரித்து , பொலிஸ் பிணையில் விடுவித்துள்ளனர்.

அதேவேளை இளைஞர்களை பொலிஸார் கைது செய்ய முற்பட்ட போது இளைஞர்களின் வீடுகள் அருகாமையில் இருந்தமையால் பெற்றோர்கள் வந்து பிள்ளைகளை மன்னித்து விடும்படி கேட்ட போதும் பொலிஸார் அதற்கு இணங்காமல் அவர்களை பொலிஸ் நிலையம் அழைத்து செல்ல முற்பட்டனர்.

அதனால் அவ்விடத்தில் சிறு பதற்றம் நிலவிய போதிலும், பொலிஸ் நிலையத்திற்கு கொண்டு சென்று விசாரணையின் பின்னர் விடுவிப்போம் என பொலிஸார் உறுதி அளித்ததை அடுத்து பதற்றம் தணிந்தது என அப்பகுதியை சேர்ந்த ஒருவர் தெரிவித்தார்.
“அதிரடி” இணையத்துக்காக யாழில் இருந்து “கலைநிலா”

You might also like

Leave A Reply

Your email address will not be published.

2 × two =

*