;
Athirady Tamil News

ராஜஸ்தான் உயர்நீதிமன்ற தீர்ப்பை எதிர்த்து காங்கிரஸ் தலைமை கொறடா உச்சநீதிமன்றத்தில் மேல்முறையீடு..!!

0

ராஜஸ்தானில் அசோக் கெலாட் தலைமையிலான காங்கிரஸ் கட்சிக்கு எதிராக சச்சின் பைலட் மற்றும் அவரது ஆதரவு 18 எம்.எல்.ஏ.-க்கள் போர்க்கொடி தூக்கியுள்ளனர்.

இவர்கள் காங்கிரஸ் கட்சிக்கு எதிராக செயல்பட்டதாக சட்டசபை காங்கிரஸ் கட்சியின் தலைமை கொறடா மகேஷ் ஜோஷி சபாநாயகருக்கு புகார் அளித்தார். புகார் அடிப்படையில் சபாநாயகர் 19 பேருக்கும் விளக்கம் கேட்டு நோட்டீஸ் அனுப்பினார்.

சபாநாயகர் நோட்டீஸை எதிர்த்து 19 பேரும் ராஜஸ்தான் உயர்நீதிமன்றத்தில் மனு தாக்கல் செய்தனர். மனுவை விசாரித்த உயர்நீதிமன்றம் தற்போதைய நிலையே தொடர வேண்டும். நடவடிக்கை ஏதும் எடுக்கக்கூடாது என்று உத்தரவிட்டது.

இந்நிலையில் ராஜஸ்தான் உயர்நீதிமன்ற தீர்ப்பை எதிர்த்து ராஜஸ்தான் சட்டசபை காங்கிரஸ் கட்சியின் தலைமை கொறடா மகேஷ் ஜோஷி உயர்நீதிமன்றத்தில் மேல்முறையீடு செய்துள்ளார்.

ஆகஸ்ட் மாதம் 14-ந்தேதி சட்டசபை கூடுகிறது. அப்போது சச்சின் பைலட் உள்பட 19 எம்.எல்.ஏ.-க்களால் சிக்கல் ஏற்பட வாய்ப்பு உள்ளது என்ற ராஜஸ்தான் காங்கிரஸ் கட்சி நினைக்கிறது. இதனால் அவர்களை தகுதி நீக்கம் செய்து விட்டால் பிரச்சினை சரியாகிவிடும் என்று நினைக்கும் காங்கிரஸ் கட்சி அதற்கான வேலைகளை செய்து வருகிறது.

You might also like

Leave A Reply

Your email address will not be published.

1 × 1 =

*