;
Athirady Tamil News

யாழ். கட்டைப்பிராயில் பஸ் – மோட்டார் சைக்கிள் மோதல்; இளம் குடும்பப் பெண் பரிதாப மரணம்!!

0

தனியார் பஸ் – மோட்டார் சைக்கிள் மோதி விபத்துக்குள்ளானதில் இளம் குடும்பப் பெண் ணொருவர் உயிரிழந்தார். யாழ்ப்பாணம் கட்டப்பிராய்ப் பகுதியில் இடம்பெற்ற விபத்தில் சிக்கிப் படுகாயமடைந்த ஒரு பிள்ளையின் தாயே சிகிச்சை பலனளிக்காது பரிதாபமாக உயிரிழந்தார்.

யாழ்.பருத்தித்துறை வீதியில் நேற்றுப் பிற்பகல் இடம்பெற்ற இந்த விபத்தில் இந்தக் குடும்பப் பெண் படுகாயமடைந்த நிலையில் யாழ்.போதனா வைத்தியசாலைக்குக் கொண்டுசெல்லப்பட்டிருந்தார். கட்டப்பிராய் பகுதி ஊடாக பிரதான வீதிக்கு மோட்டார் சைக்கிளைச் செலுத்த முற்பட்டபோது பிரதான வீதியில் வேகமாகப் பயணித்துக் கொண்டிருந்த பஸ் மோதியதாலேயே விபத்து ஏற்பட்டுள்ளது.

விபத்தில் சிக்கிப் படுகாயமடைந்த நிலையில் யாழ். போதனா வைத்திய சாலையில் அனுமதிக்கப்பட்டு சிகிச்சை பலனின்றி உயிரிழந்தவர் கல்வியங்காடு ஆனந்தபுரம் பகுதியைச் சேர்ந்த ஒரு பிள்ளையின் தாயாரான சுபேசன் பவானி (வயது- 33) எனத் தெரியவந்துள்ளது.

You might also like

Leave A Reply

Your email address will not be published.

nine + 14 =

*