;
Athirady Tamil News

அமெரிக்காவை அதிரவைக்கும் கொரோனா – ஒரே நாளில் 2000ஐ நெருங்கு பலி எண்ணிக்கை..!!

0

உலக அளவில் கொரோனா வைரஸ் பாதிப்பால் அதிகம் பாதிக்கப்பட்ட நாடுகளில் அமெரிக்கா தொடர்ந்து முதலிடத்தில் இருந்து வருகிறது. வைரஸ் பாதிப்பில் இருந்து மீள முடியாமல் அந்த நாடு தத்தளித்து வருகிறது.

அமெரிக்காவில் தினசரி கொரோனா பாதிப்பு புதிய உச்சத்தைத் தொட்டுள்ளது.

கடந்த ஒரு வாரமாக தினமும் 1 லட்சம் முதல் 2 லட்சம் வரையிலான நபர்களுக்கு வைரஸ் தொற்று உறுதி செய்யப்பட்டு வருகிறது.

இந்நிலையில், அமெரிக்காவில் ஒரே நாளில் கொரோனாவால் உயிரிழந்தோர் எண்ணிக்கை 2 ஆயிரத்தை நெருங்குவதால் மக்கள் அதிர்ச்சி அடைந்துள்ளனர். அங்கு கொரோனாவுக்கு பலியானோர் எண்ணிக்கை 2 லட்சத்து 58 ஆயிரத்தைத் தாண்டியுள்ளது.

மேலும், ஒரு லட்சத்து 70 ஆயிரத்துக்கு மேற்பட்டோருக்கு கொரோனா தொற்று உறுதி செய்யப்பட்டு உள்ளது. இதனால் அமெரிக்காவில் மொத்த கொரோனா பாதிப்பு 1.20 கோடியை கடந்துள்ளது. கொரோனாவில் இருந்து 72.24 லட்சத்துக்கும் அதிகமானோர் குணமடைந்துள்ளனர்.

You might also like

Leave A Reply

Your email address will not be published.

one × five =

*