;
Athirady Tamil News

துரைமுருகனுக்கு கொரோனா.. வீட்டில் தனிமைப்படுத்தப்பட்டார்.. 2 டோஸ் தடுப்பூசி போட்ட பிறகும் பாதிப்பு!! (படங்கள்)

0

திமுக பொதுச்செயலாளர் துரைமுருகனுக்கு கொரோனா நோய் தொற்று உறுதி செய்யப்பட்டுள்ளது. இதையடுத்து அவர் வீட்டிலேயே தனிமைப் படுத்திக் கொண்டிருக்கிறார். இரண்டு டோஸ் கொரோனா தடுப்பூசி செலுத்திக் கொண்டிருந்த நிலையிலும் துரைமுருகனுக்கு நோய்த் தொற்று பாதிப்பு ஏற்பட்டுள்ளது கவனிக்கத் தக்கதாக இருக்கிறது. தடுப்பூசி போட்டுக் கொண்ட அனைவருக்கும் கொரோனா நோய் தொற்று வராது என்று உறுதியாகக் கூறிவிட முடியாது ஒருவேளை நோய் தொற்று ஏற்பட்டாலும் அதன் பாதிப்பு சிறிய அளவுக்கு இருக்கும் என்று சமீபத்தில் சுகாதாரத்துறை செயலாளர் ராதாகிருஷ்ணன் தெரிவித்திருந்தது இந்த நேரத்தில் நினைவு கூரத்தக்கது.

காட்பாடி தொகுதி

வேலூர் மாவட்டம் காட்பாடி சட்டசபை தொகுதிகள் போட்டியிடுகிறார் துரைமுருகன். இதையொட்டி அவர் தீவிரமான பரப்புரையில் ஈடுபட்டு இருந்தார் . எனவே பொதுமக்களை அதிக அளவுக்கு சந்திக்க வேண்டியதாக இருந்தது. கட்சி நிர்வாகிகளை சந்திக்க வேண்டியதாக இருந்தது.

இரு டோஸ்

85 வயதானவர் துரை முருகன் என்பதால் முன்னெச்சரிக்கையாக அவர் கொரோனா தடுப்பூசி எடுத்துக்கொண்டார் . மொத்தம் இரண்டு டோஸ்கள் போடப்பட்டுள்ளன. இந்த நிலையில்தான் தேர்தல் முடிந்த நிலையில் திமுகவின் முக்கிய தலைவர்கள் அனைவரும் கொரோனா சோதனை மேற்கொண்டனர்.

வீட்டில் தனிமை

திமுக தலைவர் ஸ்டாலின் சோதனை செய்து கொண்டார். இதேபோல துரைமுருகன் சோதனை செய்ததில் துரைமுருகனுக்கு கொரோனா நோய் தொற்று இருப்பது உறுதி செய்யப்பட்டுள்ளது. அறிகுறிகள் அற்ற வகையில் நோய்த் தொற்று இருப்பதாக கூறப்படுவதால் அவர் வீட்டிலேயே தனிமைப்படுத்தப்பட்டு இருக்கிறார்.

ஸ்டாலினுக்கு நெகட்டிவ்

அதேநேரம் ஸ்டாலினுக்கு நோய் தொற்று இல்லை என்று ரிசல்ட் வந்துள்ளது. துரைமுருகனுடன் பழகியவர்கள் அனைவரும் தங்களுக்கு பரிசோதனை செய்துகொள்வது நல்லது என்று தெரிவிக்கப்பட்டுள்ளது. மேலும் அவர்கள் தங்களை இப்போதே தனிமைப்படுத்திக் கொள்ள வேண்டும் என்று சுகாதாரத்துறை அதிகாரிகள் கேட்டுக் கொண்டிருக்கிறார்கள்.

கனிமொழி

திமுக மகளிரணிச் செயலாளர் கனிமொழி கொரோனாவால் பாதிக்கப்பட்டிருந்தார். முழு கவச உடையுடன் தேர்தல் நாளில் அவர் ஓட்டு போட்டார். 5 நாட்களுக்குள் அவர் முழுமையாக குணமடைந்துவிட்டார் என்று அறிவிக்கப்பட்டுள்ளது. அதே போல துரைமுருகன் விரைவாக குணமடைய தொண்டர்கள் வேண்டிக் கொண்டிருக்கிறார்கள்.

You might also like

Leave A Reply

Your email address will not be published.

eight + eighteen =

*