இந்த ஆண்டில் இந்தியாவில் யூ-டியூப்பில் இருந்து 11 லட்சம் வீடியோ நீக்கம்..!!
பிரபல சமூக வலைதளமான யூ-டியூப்பில் இருந்து ஆட்சேபத்துக்குரிய வீடியோ நீக்கப்பட்டு வருகிறது. இந்தியாவில் இந்த ஆண்டின் முதல் மூன்று மாதங்களில் 11 லட்சத்து 75 ஆயிரத்து 859 வீடியோக்கள் யூ-டியூப்பில் இருந்து நீக்கப்பட்டுள்ளதாக சமூக வழிகாட்டுதல்கள் அமலாக்கம் வெளியிட்ட தகவலில் தெரிவித்துள்ளது.
மற்ற நாடுகளை விட இந்தியாவில்தான் யூ-டியூப்பில் இருந்து அதிக வீடியோக்கள் நீக்கப்படுகிறது.
யூ-டியூப் நிறுவனம் சமூக ரீதியில் அனுமதிக்கக்கூடாத வீடியோக்களுக்கான விதிகளை அமைத்து சமூக வழிகாட்டுதல் அமலாக்கம் மூலம் கண்காணிக்கிறது.