நீண்ட கால ஹெரோயின் கடத்தல் கண்டுபிடிப்பு!!

நீண்ட காலமாக ஹெரோயின் போதைப்பொருள் கடத்தலில் ஈடுபட்டு வந்த நபர் ஒருவர் மட்டக்குளி பிரதேசத்தில் வைத்து கைது செய்யப்பட்டுள்ளார்.

விசேட அதிரடிப்படையின் கொனஹேன முகாம் அதிகாரிகளுக்கு கிடைத்த தகவலின் படி, சிரேஷ்ட பொலிஸ் அத்தியட்சகர் ஜே.ஆர். சேனாதீரவின் மேற்பார்வையில் மட்டக்குளி – சமித்புர பகுதியில் அமைந்துள்ள வீட்டு வளாகத்தில் சோதனை நடத்தியது.

இதன்போது சட்டவிரோதமாக விற்பனை செய்வதற்காக வைக்கப்பட்டிருந்த 4 கிராம் 180 மில்லிகிராம் ஹெரோயின் போதைப் பொருள் மற்றும் பணம் என்பன கைப்பற்றப்பட்டதுடன், 39 வயதான சந்தேகநபர் ஒருவரும் கைது செய்யப்பட்டார்.

மேலதிக விசாரணைக்காக குறித்த சந்தேக நபர் மட்டக்குளி பொலிஸ் நிலையத்தில் ஒப்படைக்கப்பட்டுள்ளார்.