உக்ரைனில் கொல்லப்பட்ட இரண்டு பிரித்தானியர்களின் உடல்கள் மீட்பு !!

ஜனவரி மாதம் கிழக்கு உக்ரைனில் கொல்லப்பட்ட இரண்டு பிரிட்டிஷ் தன்னார்வலர்களின் உடல்கள் ரஷ்யாவுடனான கைதிகள் இடமாற்றத்தின் ஒரு பகுதியாக மீட்கப்பட்டுள்ளன.

28 வயதான கிறிஸ் பாரி மற்றும் 47 வயதான ஆண்ட்ரூ பாக்சாவின் உடல்கள் இப்போது உக்ரைனுக்குத் திருப்பி அனுப்பப்பட்டுள்ளதாக அதிபர் வோலோடிமிர் ஜெலென்ஸ்கியின் தலைமை அதிகாரி தெரிவித்தார்.

அவர்கள் எப்போது பிரித்தானிய தூதரக ஊழியர்களிடம் ஒப்படைக்கப்படுவார்கள் என்பது குறித்து எந்த தகவலும் தெரிவிக்கப்படவில்லை.

மனிதாபிமான மீட்புப் பணியின் போது அவர்கள் கொல்லப்பட்டதாக அவர்களின் குடும்பத்தினர் தெரிவித்தனர்.

இரண்டு தன்னார்வலர்களும் கடைசியாக ஜனவரி 6 ஆம் திகதி சோலேடார் நகருக்குச் சென்றதைக் காண முடிந்தது. பாக்சாவின் குடும்பத்தினர், இருவரும் வயதான பெண்ணுக்கு உதவ முயன்றபோது, அவர்களது கார்கள் ஷெல் தாக்கியதாகக் கூறினர்.