;
Athirady Tamil News

பல்சுவைக்” குறுஞ்செய்திகளின் தொகுப்பு… “செய்தித் துணுக்குகள்” பகுதி-1..!! (18.01.2018)

0

சிறிபால எம்.பியின் மகள் டெங்குவினால் மரணம்..!

பொலன்னறுவை மாவட்ட நாடாளுமன்ற உறுப்பினரும், ஐக்கிய மக்கள் சுதந்திர கூட்டமைப்பின் முன்னாள் இராஜாங்க அமைச்சருமான சிறிபால கம்லதின் மகள் டெங்கு காய்ச்சலால் உயிரிழந்துள்ளார்.

35 வயதான ரஞ்சலா கம்லத் டெங்கு காய்ச்சலால் பாதிக்கப்பட்டு கொழும்பிலுள்ள தனியார் வைத்தியசாலை ஒன்றில் சிகிச்சைப் பெற்று வந்த நிலையில், நேற்று (16) அதிகாலை உயிரிழந்துள்ளார்.

பிணைமுறி மோசடி அறிக்கைக்கு அமைவாக சட்டநடவடிக்கை எடுக்க உத்தரவு

பிணைமுறி மோசடி சம்பந்தமாக விசாரணை செய்த ஜனாதிபதி ஆணைக்குழுவின் அறிக்கைக்கு அமைவாக சட்டத்தை நடைமுறைப்படுத்துமாறு ஜனாதிபதி மைத்திரிபால சிறிசேன உத்தரவிட்டுள்ளார்.

சட்ட மா அதிபர் மற்றும் இலஞ்ச ஊழல் ஆணைக்குழுவின் பணிப்பாளர் நாயகம் ஆகியோருக்கே ஜனாதிபதி மைத்திரிபால சிறிசேன இவ்வாறு உத்தரவிட்டுள்ளார்.

எல்பிட்டிய பிரதேசத்தில் இடம்பெற்ற மக்கள் சந்திப்பில் உரையாற்றிய ஜனாதிபதி, ஆணைக்குழுவின் அறிக்கைக்கு அமைவாக சட்டத்தை செயற்படுத்துமாறு அதிகாரிகளுக்கு இன்று உத்தரவிட்டதாக கூறினார்.

வாக்காளர் அட்டைகளை விநியோகிக்கும் நடவடிக்கை இன்று ஆரம்பம்

உள்ளூராட்சி மன்றத் தேர்தலுக்கான உத்தியோகபூர்வ வாக்காளர் அட்டையை விநியோகிக்கும் நடவடிக்கைகள் இன்று முதல் ஆரம்பிக்கப்படும் என்று தபால் மா அதிபர் ரோஹன அபேரத்ன கூறினார்.

இது தொடர்பில் அனைத்து தபால் ஊழியர்களும் அறிவுறுத்தப்பட்டுள்ளதாக அவர் கூறினார்.

உத்தியோகபூர்வ வாக்காளர் அட்டையை விநியோகிக்கும் நடவடிக்கைகள் எதிர்வரும் பெப்ரவரி மாதட 03ம் திகதி வரையில் இடம்பெற உள்ளது.

அத்துடன் எதிர்வரும் 28ம் திகதி விஷேட விநியோகிக்கும் நாளாக பிரகடனப்படுத்தியுள்ளதாகவும் தபால் மா அதிபர் ரோஹன அபேரத்ன கூறினார்.

அடுத்த மாதம் 10ஆம் திகதி நடைபெறவுள்ள உள்ளுராட்சி மன்றத் தேர்தலில் ஒரு கோடி 50 லட்சத்திற்கும் அதிகமானவர்கள் தேர்தலில் வாக்களிக்க தகுதிபெற்றுள்ளனர்.

You might also like

Leave A Reply

Your email address will not be published.

19 − thirteen =

*