;
Athirady Tamil News

பல்சுவைக்” குறுஞ்செய்திகளின் தொகுப்பு… “செய்தித் துணுக்குகள்” பகுதி-5..!! (27.01.2018)

0

பஸ் சாரதிகளுக்கு விஷேட பயிற்சி திட்டம்

பொதுப் போக்குவரத்தில் ஈடுபடுகின்ற பஸ் சாரதிகளுக்காக ஆரம்பிக்கப்பட்ட விஷே பயிற்சி நடவடிக்கையின் முதற்கட்டம் வெற்றிகரமாக நிறைவு பெற்றதாக வீதிப் பாதுகாப்பு அதிகாரசபை தெரிவித்துள்ளது.

முதற்கட்ட பயிற்சி நடவடிக்கையின் கீழ் விபத்து ஏற்படுத்திய இலங்கைப் போக்குவரத்து சபையின் 160 சாரதிகள் இணைத்துக் கொள்ளப்பட்டதாக அதிகாரசபையின் தலைவர் சிசிர கோந்தாகொட கூறினார்.

அடுத்த கட்ட பயிற்சியின் போது நாடு பூராகவும் உள்ள பஸ் சாரதிகளை இணைத்துக் கொண்டு பயிற்சி வழங்க திட்டமிட்டுள்ளதாக அவர் கூறினார்.

அதேவேளை முச்சக்கர வண்டி சாரதி அனுமதிப் பத்திரம் பெறுவதற்காக விண்ணப்பிப்பவர்களுக்கு அனுமதிப் பத்திரம் வழங்க முன்னர் விஷேட கட்டாயப் பயிற்சி வழங்கும் திட்டம் ஒன்றை மேற்கொள்ள வீதிப் பாதுகாப்பு அதிகாரசபை தீர்மானித்துள்ளது.

முச்சக்கர வண்டி விபத்துக்கள் நாளுக்கு நாள் அதிகரித்துக் கொண்டிருப்பதால் இந்த தீர்மானம் எடுக்கப்பட்டுள்ளதாக வீதிப் பாதுகாப்பு அதிகாரசபையின் தலைவர் சிசிர கோந்தாகொட கூறினார்.

தேர்தலுடன் தொடர்புடைய 642 வன்முறை சம்பவங்கள் பதிவு!!!

உள்ளூராட்சி மன்ற தேர்தலுக்கு இரு வாரங்களே உள்ள நிலையில் தேர்தல் தொடர்பான வன்முறை சம்பவங்கள் தொடர்ந்தும் இடம் பெற்ற வண்ணமே உள்ளதாக பெப்ரல் அமைப்பு தெரிவித்துள்ளது.

பெப்ரல் அமைப்பு வெயிளிட்டுள்ள அறிக்கையில் நாட்டின் பல்வேறு பகுதிகளிலும் பல்வேறு வகையான தேர்தல் வன்முறை சம்பவங்களும் அது தொடர்பான முறைப்பாடுகள் பதிவாகியுள்ளதாக தெரிவித்துள்ளது.

அறிக்கையில் மேலும்,

தேர்தல் தொடர்பான 557 முறைப்பாடுகளும், தேர்தலுடன் தொடர்புடைய 642 வன்முறை சம்பவங்களும் பதிவாகியுள்ளன.

இவற்றில் 84 வன்முறையுடன் தொடர்புடைய சம்பவங்களும், 98 தேர்தல் சட்ட மீறலுடன் தொடர்புடைய சம்பவங்களும் பதிவாகியுள்ளன.மேலும் பதிவாகியவற்றில் 15 சம்பவங்கள் வைத்திய சாலையுடன் தொடர்புடையவையாகும்.

கடத்தல் சம்பவம் தொடர்பாக 1 முறைப்பாடும்,அச்சுறுத்தலுடன் தொடர்புடைய ஒரு முறைப்பாடும், கட்டடங்கள் மற்றும் வீடுகளுக்கு சேதம் விழைவித்தமை தொடர்பாக 7 முறைப்பாடுகளும் , வாகனங்களுக்கு சேதம் விளைவிக்கப்பட்டமை தொடர்பாக 6 முறைப்பாடுகளும் பதிவாகியுள்ளன.

சட்ட விரோத கட்சி காரியாலயங்கள் அமைக்கப்பட்டுள்ளதாக 22 முறைப்பாடுகளும், சட்ட விரோத தேர்தல் பிரசார நடவடிக்கைகள் இடம்பெற்றதாக 172 முறைப்பாடுகளும் , கட்டாயப்படுத்தி வாக்களிக்க அச்சுறுத்தியமை தொடர்பில் 13 முறைப்பாடுகளும் கிடைக்கப்பெற்றுள்ளதாகவும் தெரிவிக்கப்பட்டுள்ளது.

எனினும் துப்பாக்கிச் சூட்டுடன் தொடர்புடையதும், வெடிபொருள் பயன்படுத்தலுடன் தொடர்புடையதான சம்பவங்களோ, முறைப்பாடுகளோ பதிவாகவில்லை. என அவ்வறிக்கையில் குறிப்பிடப்பட்டுள்ளது.

தேசிய சுதந்திர தினத்தை முன்னிட்டு வஜீர அபேவர்தனவின் வேண்டுகோள்!!!

தேசிய சுதந்திர தினத்தை முன்னிட்டு அடுத்த மாதம் முதலாம் திகதியிலிருந்து 7ஆம் திகதி வரை வீடுகளிலும், அலுவலகங்களிலும் தேசிய கொடியை பறக்கவிடுமாறு உள்நாட்டலுவல்கள் அமைச்சர் வஜீர அபேவர்தன மக்களிடம் கேட்டுக்கொண்டுள்ளார்.

இதேவேளை நாளை முதல் அடுத்த மாதம் 3ஆம் திகதி வரை சுதந்திர தினத்திற்கான ஒத்திகைகள் இடம்பெறவுள்ளன.

சுதந்திர தினத்தன்று கொழும்பு நகரில் விசேட போக்குவரத்துத் திட்டம் அமுல்படுத்தப்படும் என்று பொலிசார் அறிவுறுத்தியுள்ளனர்

You might also like

Leave A Reply

Your email address will not be published.

four × three =

*