;
Athirady Tamil News

பல்சுவைக்” குறுஞ்செய்திகளின் தொகுப்பு… “செய்தித் துணுக்குகள்” பகுதி-3.!! (07.04.2018)

0

சித்திரைப் புத்தாண்டிற்காக இன்று முதல் விஷேட ரயில் சேவை

தமிழ் சிங்களப் புத்தாண்டை முன்னிட்டு பயணிகளின் நலன் கருதி இன்று முதல் 17ஆம் திகதி வரை விஷேட ரயில் சேவைகள் ஆரம்பிக்கப்பட்டுள்ளதாக இலங்கை ரயில்வே திணைக்களம் தெரிவித்துள்ளது.

இதன் படி கொழும்பு கோட்டையிலிருந்து பண்டாரவளை மஹவ சந்தி வரையிலும் விஷேட ரயில் சேவைகள் ஆரம்பிக்கப்பட்டுள்ளது.

பண்டிகைக்காலத்தில் சாரதிகள் மற்றும் பயணிகளுக்கான அறிவித்தல்!!!

பண்டிகைக் காலத்தை முன்னிட்டு விஷேட பஸ் சேவைகள் செயற்படுத்தப்பட்டுள்ளதாகவும் இதற்காக மேலதிகமாக 2000 பஸ் சேவையில் ஈடுபடுத்தப்படவுள்ளதாகவும் இலங்கை போக்குவரத்து சபை தெரிவித்துள்ளது.

மேலும் பண்டிகைக் காலத்தில் அதிவேக நெடுஞ்சாலைகளில் பயணிக்கும் வாகனங்களின் எண்ணிக்கை அதிகமாகக் காணப்படும் எனவும் அதன் காரணமாக அதிவேக நெடுஞ்சாலைகளின் போக்குவரத்து சட்டதிட்டங்களை உரிய முறையில் பேணுவதற்கான நடவடிக்கைகள் வலுப்படத்தப்படவுள்ளதாகவும் போக்குவரத்து சபை தெரிவித்துள்ளது.

நெடுஞ்சாலைகளில் பணிக்கும் வாகனங்களின் வேகம் 100 மீற்றரை விட அதிகரிக்கக் கூடாது எனவும் மணித்தியாலத்திற்கு 60 கிலோ மீற்றரை விட குறைவாக பயணிக்கும் வாகனங்கள் அதிவேக நெடுஞ்சாலைகளுக்குள் அனுமதிக்கப்பட மாட்டாது எனவும் இலங்கை போக்குவரத்து சபை அறிவித்துள்ளமை குறிப்பிடத்தக்கது.

தொழிலாளர்கள் தொழிலுக்கு திரும்பியுள்ளனர்

அக்கரபத்தனை பெருந்தோட்ட கம்பனியின் கீழ் இயங்கும் டொரிங்டன் தோட்ட அதிகாரியை இடமாற்றம் செய்யக்கோரி தொழிலாளர்கள் முன்னெடுத்து வந்த ஆர்ப்பாட்டம், இன்று (07) முடிவுக்கு வந்துள்ளது.

குறித்த தோட்டத்தின் முகாமையாளர் தோட்டத்தொழிலாளர்களுக்கு உரித்துடைய எந்த சலுகைகளையும் செய்து கொடுக்காது, தொழிலாளர்களிடமிருந்து வேலையை மாத்திரம் பெற்றுக்கொள்வதாகவும், தேயிலை மலைகளை முறையாக பராமரிக்காததன் காரணமாக தேயிலை மலைகள் காடாகி வருவதாகவும், தொழிலாளர்களின் பிரச்சினைகள் தொடர்பாக எவ்வித செவிமடுத்தளுமின்றி செயற்படுவதாகவும், சில தொழிலாளர்களுக்கு வேலை நிறுத்தி அவர்களுக்கு தொழில் வழங்குவதாக இழுத்தடித்ததாகவும் இதனால் தொழிலாளர்கள் சொல்லொண்ணா துயரங்களை அனுபவித்து வந்ததாகவும் தொழிலாளர்கள் அதிகாரி மீது குற்றம் சுமத்தினர்.

தொழிலாளர்கள் தாங்கள் எதிர்நோக்கி வந்த பிரச்சனைகள் தொடர்பாக தொழிலாளர் தேசிய சங்க அதிகாரிகளின் கவனத்துக்கு கொண்டு வந்ததையடுத்து, நேற்று (06) தலவாக்கலையில் வைத்து தோட்ட தோட்ட அதிகாரியுடன் பேச்சுவார்த்தை நடத்தப்பட்டது.

இதன் காரணமாக இம்மக்கள் எதிர்நோக்கிய பிரச்சனைக்கு தீர்வு கிட்டியது. இதனையடுத்து, இன்று
தொழிலாளர்கள் வேலைக்கு திரும்பியுள்ளார்கள்.

You might also like

Leave A Reply

Your email address will not be published.

18 − 13 =

*