;
Athirady Tamil News

பல்சுவைக்” குறுஞ்செய்திகளின் தொகுப்பு… “செய்தித் துணுக்குகள்” பகுதி-3.!! (16.04.2018)

0

பிணையில் விடுதலை செய்யப்பட்ட மஹிந்தானந்தவிற்கு விளக்கமறியல்

பொலிஸ் நிதி மோசடி விசாரணைப் பிரிவினரால் கைது செய்யப்பட்டு பின்னர் பிணையில் விடுதலை செய்யப்பட்ட முன்னாள் விளையாட்டுத்துறை அமைச்சர் மஹிந்தானந்த அளுத்கமகேவை நாளை வரை விளக்கமறியலில் வைக்க கொழும்பு கோட்டை நீதவான் நீதிமன்றம் உத்தரவிட்டுள்ளது.

கொழும்பு உயர் நீதிமன்றத்தில் தன்னுடைய கடவுச்சீட்டு இருப்பதை உறுதிப்படுத்த வேண்டும் எ​ன்ற பிணை நிபந்தனையை நிறைவேற்றாத காரணத்தால் அவரை விளக்கமறியலில் வைக்க கொழும்பு கோட்டை நீதவான் நீதிமன்றம் உத்தரவிட்டுள்ளது.

உணவு பொருள்களுக்கு அமைச்சரை நியமிக்கக் கோரிக்கை!!

அமைச்சரவை மறுசீரமைப்பின் போது, உணவுப் பொருள் தொடர்பில் அமைச்சரொருவர் நியமிக்கப்பட வேண்டும் என்று அகில இலங்கை உணவக உரிமையாளர் சங்கம் கோரிக்கையை விடுத்துள்ளது.

உணவுப் பொருள்கள் தொடர்பில் பொறுப்புக்கூறக்கூடிய அமைச்சரொருவர் இல்லாதமை காரணமாக, பல்வேறு பிரச்சினைகளுக்கு முகங்கொடுக்க நேரிட்டுள்ளது என்று அதன் ஒருங்கிணைப்பாளர் அசேல சம்பத் தெரிவித்துள்ளார்.

புத்தாண்டில் இ.போ.சபைக்கு 95 மில்லியன் வருமானம்!!

சித்திரைப் புத்தாண்டு காலப்பகுதியில் 95 மில்லியன் ரூபா வருமானம் கிடைக்கப் பெற்றது என்று இலங்கை போக்குவரத்து சபை தெரிவித்துள்ளது.

சித்திரைப் புத்தாண்டை முன்னிட்டு கொழும்பிலிருந்து அனைத்து நகரங்களுக்கும் சிறப்பு பேருந்துச் சேவைகள் ஈடுபட்டன.

போக்குவரத்து சபையின் நாளாந்த வருமானம் 76 மில்லியன் ரூபாவாகும். இந்த நிலையில் கடந்த புத்தாண்டில் சேவையில் ஈடுபட்ட பேருந்துகள் ஊடாக சபைக்கு இந்த வருமானம் கிடைக்கப் பெற்றது என்று பிரதி பொது முகாமையாளர் சந்திரசிறி தெரிவித்துள்ளார்.

You might also like

Leave A Reply

Your email address will not be published.

1 + ten =

*