;
Athirady Tamil News

பல்சுவைக்” குறுஞ்செய்திகளின் தொகுப்பு… “செய்தித் துணுக்குகள்” பகுதி-2.!! (25.04.2018)

0

மோட்டார் சைக்கிள் விபத்தில் இளைஞர் பலி

களுத்துறை – போம்புவல வீதியின் கர்மான்தபுரய பகுதியில் ஏற்பட்ட விபத்தில் இளைஞர் ஒருவர் உயிரிழந்துள்ளார்.

விபத்துக்குள்ளான முச்சக்கரவண்டி ஒன்றை இன்னொரு முச்சக்கர வண்டியின் துணையுடன் எடுத்துச்செல்லும் போது பின்னால் வந்த மோட்டார் சைக்கிள் ஒன்று மோதியதிலேயே குறித்த விபத்து ஏற்பட்டுள்ளதாக பொலிஸார் தெரிவிக்கின்றனர்.

விபத்தில் பலத்த காயமடைந்த நபரை நாகொட வைத்தியசாலையில் அனுமதிக்கப்பட்ட பின்னரே அவர் உயிரிழந்துள்ளார்.

களுத்துறை, நாகொட பகுதியை சேர்ந்த 19 வயதுடைய ஒருவரே இவ்வாறு உயிரிழந்துள்ளார்.

விபத்து தொடர்பில் இரண்டு முச்சக்கர வண்டி ஓட்டுனர்களும் கைது செய்யப்பட்டுள்ளனர்.

ஐக்கிய தேசிய கட்சியின் அரசியல் சபை இன்று மீண்டும் கூடுகிறது

ஐக்கிய தேசிய கட்சியின் மறுசீரமைப்பு குழுவின் மற்றொரு கூட்டம் இன்று இடம்பெற உள்ளது.

இந்தக் கூட்டத்தில் கட்சியில் ஏற்பட்டுள்ள வெற்றிடங்கள் மற்றும் கட்சியின் பதவி நிலைகள் உருவாக்குதல் குறித்து இறுதி தீர்மானம் எட்டப்படு உள்ளது.

நாளை (26) ஆம் திகதி இடம்பெறவுள்ள கட்சியின் மத்திய செயற்குழு கூட்டத்தில் புதிய பதவி விபரங்களை முன்வைக்க வேண்டும் என்பதால், இன்று இறுதி தீர்மானம் ஒன்று எட்டப்படும் என்று எதிர்பார்க்கப்படுகிறது

இதேவேளை நேற்று இடம்பெற்ற அந்தக் கட்சியின் மறுசீரமைப்பு குழு கூட்டத்தில் இறுதித்த தீர்மானங்கள் எதுவும் எட்டப்படவில்லை என்று தெரிய வந்துள்ளது.

எவ்வாறாயினும் ஐக்கிய தேசிய கட்சியின் தலைவராக தொடர்ந்தும் ரணில் விக்ரமசிங்கவே செயற்படுவார் என்று ஏற்கனவே ஒருமனதாக தீர்மானிக்கப்பட்டுவிட்டதாக அந்தக் கட்சியின் உறுப்பினர் ஜே.சி. அலவதுவல கூறினார்.

நல்லாட்சி அரசை கவிழ்த்து எதிர்க்கட்சியில் அமர்வோம் _ சு.க.வின் ரணில் எதிர்ப்பு குழு

தற்போதைய நல்லாட்சி அரசாங்கத்தை கவிழ்ப்பதே எமது நோக்கமாகும். அதற்காக நாம் முழுமுயற்சியுடன் செயற்படுவோம். அரசாங்கத்தின் மக்களுக்கு எதிரான செயற்பாடுகளை உள்ளிருந்து எதிர்த்த நாங்கள் தற்போது தைரியமாக வெளியே வந்து எதிர்க்க ஆரம்பித் திருக்கின்றோம் என்று சிறிலங்கா சுதந்திரக்கட்சி தலைமையகத்தில் நேற்று நடைபெற்ற விசேட செய்தியாளர் சந்திப்பில் கலந்து கொண்டு கருத்து வெளியிட்டுள்ள முன்னாள் அமைச்சர் சந்திம வீரக்கொடி குறிப்பிட்டுள்ளார்.

அரசாங்கத்திலிருந்து வெளியேறிய 16 சுதந்திரக்கட்சியின் முன்னாள் அமைச்சர்களும் எதிர்வரும் மே மாதம் 8ஆம்திகதி பாராளுமன்ற அமர்வின்போது எதிர்க்கட்சியில் அமர்வோம். அந்த முடிவில் எந்த மாற்றமும் இல்லை என்றும் சந்திம வீரக்கொடி சுட்டிக்காட்டியுள்ளார்.

அரசாங்கத்திலிருந்து வெளியேறிய சுதந்திரக்கட்சியின் 16 பேரும் பாராளுமன்றத்தின் சுதந்திரக்கட்சி என்ற அடிப்படையில் எதிர்க்கட்சியில் அமர்வதற்கு தீர்மானித்துள்ளோம். அந்தத் தீர்மானத்தில் எந்த மாற்றமும் இல்லை.

நாம் ஒருபோதும மீண்டும் அரசாங்கத்துடன் இணைந்துகொள்ளமாட்டோம் மாறாக அரசாங்கத்திலிருந்து ஒருசிலர் எம்முடன் இணைந்துகொள்ளும் சாத்தியம் உள்ளது. எமது தீர்மானத்தில் எந்த மாற்றமும் இல்லை எனவும் அவர் தெரிவித்துள்ளார்.

ரயில் கட்டண அதிகரிப்பு விரைவில்; 15 வீதத்தால் உயரும்

ரயில் கட்டண அதிகரிப்பு தொடர்பிலான குழுவின் அறிக்கை போக்குவரத்து அமைச்சிடம் கையளிக்கப்பட்டுள்ளது.

கட்டணத்தை 15 வீதத்தால் அதிகரிப்பது தொடர்பிலான யோசனை அந்த அறிக்கையில் உள்ளடக்கப்பட்டுள்ளதாக ரயில்வே திணைக்கள தகவல்கள் தெரவிக்கின்றன.

பயணிகள் கட்டணத்தை அதிகரிப்பது தொடர்பான ஆலோசனை மாத்திரம் குழுவின் அறிக்கையில் உள்ளடக்கப்பட்டுள்ளதுடன், பொதிகள் விநியோக சேவைக்கான கட்டண அதிகரிப்பு மேற்கொள்ளப்படப்போவதில்லை எனக் குறிப்பிடப்பட்டுள்ளது.

போக்குவரத்து அமைச்சிடம் கையளிக்கப்பட்ட அந்த அறிக்கை அமைச்சரவையின் அனுமதிப் பெற்றதன் பின்னர், ரயில் கட்டண அதிகரிப்பு தொடர்பிலான வர்த்தமானி அறிவித்தல் வெளியிடப்படுமென தெரிவிக்கப்பட்டுள்ளது.

You might also like

Leave A Reply

Your email address will not be published.

two × three =

*