;
Athirady Tamil News

பல்சுவைக்” குறுஞ்செய்திகளின் தொகுப்பு… “செய்தித் துணுக்குகள்” பகுதி-2..!! (13.05.2018)

0

தனியார் பேருந்து கட்டணத்தை அதிகரிக்க முடிவு

தனியார் பேருந்து சேவைகளின் கட்டணத்தை 20% அதிகரிக்க வேண்டுமென மாகணங்களுக்கிடையான தனியார் பேருந்து உரிமையாளர்கள் சங்கம் தெரிவித்துள்ளது.

அதன்படி குறைந்தபட்ச கட்டணத்தை 10 ரூபாவில் இருந்து 15 ரூபாவாக அதிகரிக்க வேண்டும் எனவும் குறித்த சங்கம் தெரிவித்துள்ளது.

குறித்த கட்டணத்தை மே மாதம் 15 திகதி முதலில் இருந்து அமுலுக்கு கொண்டுவரும் விதத்தில் அதிகரிக்கப்பட வேண்டும் எனவும் மேலும் தெரிவிக்கப்பட்டுள்ளது.

விபத்தில் இளைஞர் பலி

கல்முனை – அக்கரைபற்று பிரதான வீதியில் காரைத்தீவு நீர் தாங்கிக்கு அருகில் ஏற்பட்ட விபத்தில் ஒருவர் உயிரிழந்துள்ளார்.

முச்சக்கர வண்டி ஒன்று மோட்டார் சைக்கிள் ஒன்றுடன் மோதியதிலேயே குறித்த விபத்து ஏற்பட்டுள்ளதாக பொலிஸார் தெரிவிக்கின்றனர்.

விபத்தில் படுகாயமடைந்த மோட்டார் சைக்கிள் ஓட்டுனரை வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

சம்மாந்துறை பகுதியை சேர்ந்த 25 வயதுடைய ஒருவரே இவ்வாறு உயிரிழந்துள்ளார்.

விபத்து தொடர்பில் முச்சக்கர வண்டி ஓட்டுனர் கைது செய்யப்பட்டுள்ளதுடன் சம்மாந்துறை பொலிஸார் மேலதிக விசாரணைகளை மேற்கொண்டு வருகின்றனர்.

பொலிஸ்மா அதிபருக்கு எதிராக -அரச தலைவரிடம் முறைப்பாடு!!

தேசிய பொலிஸ் ஆணைக்குழுவின் உத்தரவுகளை பொலிஸ் மா அதிபர் புறக்கணித்து வருகின்றமை தொடர்பில் முறைப்பாடு செய்ய பொலிஸ் ஆணைக்குழு நடவடிக்கை எடுத்துள்ளது.

அரச தலைவர் மைத்திரிபால சிறிசேனவுக்கும், அரசமைப்புச் சபைக்கும் இந்த முறைப்பாடு செய்யப்படவுள்ளது.

கடந்த 2018 ஆம் ஆண்டின் ஆரம்பம் முதல் தேசிய பொலிஸ் ஆணைக்குழுவினால் விடுக்கப்பட்ட பணிப்புரைகள் பல பொலிஸ் திணைக்களத்தினால் செயற்படுத்தப்பட வில்லை. இதனால், தமது பொறுப்புக்களை நிறைவேற்ற முடியாத ஒரு நிலமை ஏற்பட்டது என்று பொலிஸ் ஆணைக்குழு சுட்டிக்காட்டியுள்ளது.

அடுத்த வருடமே எரிபொருள் விலைகள் குறைக்கப்படும்!!

எரிபொருள்களின் விலைகள் அடுத்த வருடம் எதிர்வரும் ஜனவரி மாதமளவில் குறைவடைவதற்கான வாய்ப்புக்கள் ஏற்படும் என்று நிதி அமைச்சர் மங்கள சமரவீர தெரிவித்துள்ளார்.

உலக சந்தையில் எரிபொருள் விலை குறைவது தொடர்பில், பொருளியல் வல்லுனர்கள் எதிர்வு கூறியுள்ளனர். அதற்கமைவாக இலங்கையிலும் மாற்றங்களை ஏற்படுத்த எத்தனித்துள்ளதாக அவர் குறிப்பிட்டார்.

You might also like

Leave A Reply

Your email address will not be published.

four × five =

*