;
Athirady Tamil News

பல்சுவைக்” குறுஞ்செய்திகளின் தொகுப்பு… “செய்தித் துணுக்குகள்” பகுதி-2..!! (23.05.2018)

0

அடையாள வேலை நிறுத்தம்..!!

ரயில் சேவையின் 3 ஆம் தர பணியாளர்கள், 3 விதமான கோரிக்கைகளை முன்வைத்துள்ளமையை அடுத்து, இன்று (23) நள்ளிரவு முதல் அடையாள ​வேலை நிறுத்தத்தில் ஈடுபடவுள்ளதாகத் தெரிவித்துள்ளனர்.

சம்பளப் பிரச்சினைகள், வெற்றிடங்களுக்கு ஆட்கள் சேர்க்காமை போன்ற கோரிக்கைகளை முன்வைத்தே இந்த ஆர்ப்பாட்டம் மேற்கொள்ளவுள்ளதாகத் தெரிவித்துள்ளனர்.

கொழும்பு – புத்தளம் புகையிரத சேவையில் இன்னும் பாதிப்பு

கொழும்பு – புத்தளம் புகையிரத மார்க்கத்தில், லுனுவில புகையிரத நிலையம் வரையில் மாத்திரமே ரயில் சேவை இடம்பெறுவதாக புகையிரத கட்டுப்பாட்டு நிலையம் தெரிவிக்கின்றது.

நாத்தாண்டிய – தும்மோதர புகையிரத நிலையங்களுக்கு இடையிலான புகையிரத வீதியில் ​ஹெமில்டன் நீரோடை பெருக்கெடுத்து அந்தப் புகையிரத வீதி நீரில் மூழ்கியுள்ளதன் காரணமாக இந்த ரயில் சேவை மட்டுப்படுத்தப்பட்டுள்ளது.

எவ்வாறாயினும், லுனுவில – கொழும்பு கோட்டை புகையிரத நிலையங்களுக்கு இடையிலான அலுவலக புகையிரதங்கள் வழமையான நேரங்களுக்கு அமைவாக சேவையில் ஈடுபடுவதாகவும் புகையிரத கட்டுப்பாட்டு நிலையம் தெரிவிக்கின்றது.

நேற்றைய தினம் முதல் கொழும்பு – புத்தளம் புகையிரத மார்க்கத்திலான புகையிரத சேவை லுனுவில புகையிரத நிலையம் வரையில் மட்டுப்படுத்தப்பட்டுள்ளது.

யுத்தத்தின் பின்னரான தடுப்பு முகாம் தொடர்பில் ஒப்பந்தம்

யுத்தத்தின் பின்னரான காலப்பகுதியில் தோற்றம் பெற்றுள்ள தடுப்பு முகாம்களை பார்வையிடுவது தொடர்பில் புதிய ஒப்பந்தம் ஒன்றில் கைச்சாத்திடுவது தொடர்பில் சர்வதேச செஞ்சிலுவைச் சங்கம் யோசனையொன்றை முன்வைத்துள்ளது.

இதனடிப்டையில் சுய சுதந்திரத்தினை இழந்த நபர்களுக்கு விடிவினை ஏற்படுத்துவதற்கான ஒத்துழைப்புகள் மற்றும் மனிதாபிமான செயற்பாடுகள் தொடர்பில், சர்வதேச செஞ்சிலுவை சங்கத்துடன் குறித்த முன்மொழியப்பட்டுள்ள ஒப்பந்தத்தில் கைச்சாத்திடுவது தொடர்பில், வெளிவிவகார அமைச்சர் திலக் மாரப்பன முன்வைத்த யோசனைகளுக்கு அமைச்சரவை அனுமதி கிடைத்துள்ளது.

ஆசிய பத்திரிகை சபை கூட்டுறவு மாநாடு இலங்கையில்

இலங்கை பத்திரிகை பேரவைியின் ஏற்பாட்டில், ஆசிய பத்திரிகை சபையின் கூட்டுறவு மாநாட்டினை எதிர்வரும் ஒக்டோபர் மாதம் இலங்கையில் நடத்துவதற்குத் தீர்மானிக்கப்பட்டுள்ளது.

இந்த மாநாட்டினை தலைமையேற்று நடத்துவதற்கு அனுமதி கோரி, ஊடகத்துறை அமைச்சர் மங்கள சமரவீரவினால் முன்வைக்கப்பட்ட யோசனைகளுக்கு அமைச்சரவை அனுமதி கிடைத்துள்ளது.

இலங்கை, ருவண்டாவுக்கு இடையில் பதுகாப்புத் துறை ஒப்பந்தம்

இலங்கை மற்றும் ருவண்டாவுக்கு இடையில் பதுகாப்பு துறையில் ஒத்துழைப்புகளை பெற்றுக்கொள்வது தொடர்பில் ஒப்பந்தம் ஒன்றை ஏற்படுத்துவதற்கு அரசாங்கம் தீர்மானித்துள்ளது.

பாதுகாப்பு அமைச்சர் என்ற அடிப்படையில் ஜனாதிபதி மைத்திரிபால சிறிசேன சமர்ப்பித்த, இதுத் தொடர்பிலான யோசனைகள் உள்ளடங்கிய அமைச்சரவை பத்திரத்துக்கு, அமமச்சரவை அங்கீகாரம் வழங்கியுள்ளது.

You might also like

Leave A Reply

Your email address will not be published.

twenty − 7 =

*