;
Athirady Tamil News

பல்சுவைக்” குறுஞ்செய்திகளின் தொகுப்பு… “செய்தித் துணுக்குகள்” பகுதி-1.!! (11.08.2018)

0

ஐ.நா மனித உரிமைகள் ஆணையாளராக செல் பாச்செலெட் நியமனம்

ஐக்கிய நாடுகள் மனித உரிமைகள் ஆணைக்குழுவின் புதிய ஆணையாளராக சிலி நாட்டின் முன்னாள் ஜனாதிபதி மிசெல் பாச்செலெட் நியமனம் செய்யப்பட்டுள்ளார்.

ஐ.நா. பொதுச் சபை வெள்ளிக்கிழமை கூடிய போது இந்த நியமனம் அங்கீகரக்கப்பட்டுள்ளது.

அவரது நியமனம் எதிர்வரும் செப்டம்பர் மாதம் 01ம் திகதி முதல் அமுலுக்கு வரும் என்று தெரிவிக்கப்பட்டுள்ளது.

ஐக்கிய நாடுகள் மனித உரிமைகள் ஆணைக்குழுவின் புதிய ஆணையாளராக இருக்கும் செய்யித் ராத் அல் ஹுஸைன் தனது இந்த மாத இறுதியில் தான் பதவி விலகுவதாக அறிவித்துள்ளார்.

புகையிரத வேலை நிறுத்தம் இன்றும் தொடர்கிறது

புகையிரத தொழிற்சங்கங்கள் ஆரம்பித்த வேலைநிறுத்தம் இன்று 4 வது நாளாகவும் தொடர்ந்து முன்னெடுக்கப்படுகின்றது.

புகையிரத ஊழியர்களின் சம்பள அதிகரிப்பு உள்ளிட்ட சில கோரிக்கைகளை முன்வைத்து புதன்கிழமை முதல் குறித்த வேலை நிறுத்த போராட்டம் இடம்பெற்று வருகின்றது.

எனினும் தமது கோரிக்கைகளுக்கு அதிகாரிகள் இதுவரை செவிசாய்க்கவில்லை என்று புகையிரத காப்பாளர்கள் சங்கத்தின் செயலாளர் பீ.எம்.பி. பீரிஸ் கூறினார்.

எவ்வாறாயினும் நேற்றைய தினம் சில விசேட புகையிரத சேவைகள் முன்னெடுக்கப்பட்டபோதிலும், இன்றையதினம் அவற்றையும் நிறுத்துவதாக புகையிரத சாரதிகள் சங்கத்தின் செயலாளர் இந்திக தொடங்கொட கூறினார்.

பேராதனை பல்கலைக்கழகம் மீண்டும் திங்கட்கிழமை ஆரம்பம்

தற்காலிகமாக மூடப்பட்டுள்ள பேராதனை பல்கலைக்கழகத்தின் பொறியியல் பீடம் தவிர்ந்த ஏனைய பீடங்கள் எதிர்வரும் 13ம் திகதி திங்கட்கிழமை மீண்டும் திறக்கப்படும் என்று தெரிவிக்கப்பட்டுள்ளது.

நேற்று கூடிய பேராதனை பல்கலைக்கழகத்தின் நிர்வாக குழு இந்த தீர்மானத்தை எடுத்ததாக பல்கலைக்கழகத்தின் உப வேந்தர் பேராசிரியர் உபுல் திசாநாயக்க கூறினார்.

எனினும் அந்தந்த பீடங்களின் பாடநெறிகள் ஆரம்பமாகும் நாட்கள் குறித்து அந்தந்த பீடங்களின் பீடாதிபதிகள் தீர்மானிப்பதற்கும், அது தொடர்பில் மாணவர்களுக்கு பீடாதிபதிகள் அறிவிப்பார்கள் என்றும் பேராசிரியர் உபுல் திசாநாயக்க கூறினார்.

காற்றின் வேகம் அதிகரிக்கலாம்

நாட்டில், குறிப்பாக நாட்டின் தென்மேற்குப் பகுதியில் காணப்படும் மழையுடனான வானிலையும் காற்றின் வேகமும் ஒகஸ்ட் 12ஆம் திகதியிலிருந்து குறிப்பிட்ட மட்டத்திற்கு அதிகரிக்குமென எதிர்பார்க்கப்படுகின்றது.

சப்ரகமுவ மற்றும் மத்திய மாகாணங்களிலும் காலி, மாத்தறை மற்றும் களுத்துறை மாவட்டங்களிலும் அவ்வப்போது மழை பெய்வதற்கான சாத்தியம் காணப்படுகின்றது.

வடமேல் மாகாணத்திலும் கொழும்பு மற்றும் கம்பஹா மாவட்டங்களிலும் பல தடவைகள் மழை பெய்யக் கூடிய சாத்தியம் காணப்படுகின்றது.

சப்ரகமுவ மற்றும் மத்திய மாகாணங்களிலும் களுத்துறை மாவட்டத்திலும் சில இடங்களில் 50 மி.மீ அளவான ஓரளவு பலத்த மழைவீழ்ச்சி எதிர்பார்க்கப்படுகின்றது.

மத்திய, சப்ரகமுவ, மேல், தென், வடமேல் மற்றும் ஊவா மாகாணங்களிலும் அம்பாறை மற்றும் மட்டக்களப்பு மாவட்டங்களிலும் அவ்வப்போது மணித்தியாலத்துக்கு 50 கிலோ மீற்றர் வரையான வேகத்தில் ஓரளவு பலத்த காற்று வீசுமென எதிர்பார்க்கப்படுகின்றது.

You might also like

Leave A Reply

Your email address will not be published.

4 × five =

*